അബൂദബി: റമദാൻ ആരംഭത്തോടനുബന്ധിച്ച് ഹെവി വാഹനങ്ങൾക്ക് പുതിയ നിയന്ത്രണങ്ങൾ ഏർപ്പെടുത്തി അബൂദബി മൊബിലിറ്റി. ചരക്ക് ട്രക്കുകൾ, നിർമാണ പ്രവൃത്തികൾക്ക് ഉപയോഗിക്കുന്ന വാഹനങ്ങൾ, ടാങ്കറുകൾ തുടങ്ങിയ ഹെവി വാഹനങ്ങളുടെ ​ഗതാ​ഗത സമയത്തിലാണ് പുതിയ നിയന്ത്രണങ്ങൾ കൊണ്ടുവന്നിരിക്കുന്നത്. 

ഇതിന്റെ ഭാ​ഗമായി തിങ്കൾ മുതൽ വ്യാഴം വരെ രാവിലെ 8 മുതൽ 10 വരെയും ഉച്ചക്ക് 2 മുതൽ വൈകിട്ട് 4 വരെയുമാണ് ന​ഗരത്തിലെ റോഡുകളിൽ ഹെവി വാഹനങ്ങൾക്ക് ​വിലക്കേർപ്പെടുത്തിയിരിക്കുന്നത്. വെള്ളിയാഴ്ചകളിൽ മറ്റ് പ്രവൃത്തി ദിവസങ്ങളിലെ പോലെയും, കൂടാതെ വൈകുന്നേരം 8 മണി മുതൽ രാത്രി 1 മണി വരെയും ഹെവി വാഹനങ്ങൾക്ക് നിരോധനമേർപ്പെടുത്തിയിട്ടുണ്ട്. 

റമദാനിൽ അബൂദബിയിലെ റോ‍ഡുകളിലെ ​ഗതാ​ഗതം സു​ഗമമാക്കുന്നതിനായാണ് പുതിയ നിയന്ത്രണങ്ങൾ. തിരക്കേറിയ സമയങ്ങളിൽ ഭാര വാഹനങ്ങളും ചെറിയ മറ്റ് വാഹനങ്ങളും ഒന്നിച്ച് നിരത്തിലിറങ്ങുമ്പോഴുണ്ടാകുന്ന ​ഗതാ​ഗതക്കുരുക്കും അപകടങ്ങളും കുറക്കാനാണ് ഈ നിയന്ത്രണങ്ങൾ ലക്ഷ്യമിടുന്നതെന്ന് അധികൃതർ അറിയിച്ചു.

Abu Dhabi has introduced new restrictions on heavy vehicles during Ramadan to reduce congestion and enhance pedestrian safety.