മലപ്പുറം: ഹാദിയ സി.എസ്.ഇ പ്രസാധന വിഭാഗത്തിനു കീഴില്‍ പുറത്തിറക്കുന്ന നാലു പുസ്തകങ്ങളുടെ പ്രകാശനം 17 ന് രാവിലെ പത്തിന് കോഴിക്കോട് ടാഗോര്‍ ഹാളില്‍ നടക്കും. ബഹുസ്വര സമൂഹത്തിലെ മുസ്‌ലിം(ശൈഖ് ഹംസ യൂസുഫ്), അറിവ് തണലൊരുക്കിയ കാലം (ചെറുശേരി ഉസ്താദ് ജീവചരിത്രം), എന്റെ യാത്രകള്‍ (ഡോ.ബഹാഉദ്ദീന്‍ മുഹമ്മദ് നദ്‌വി), വിജയത്തിന്റെ വഴികള്‍ (സിംസാറുല്‍ ഹഖ് ഹുദവി) എന്നീ പുസ്തകങ്ങളാണ് പ്രകാശിതമാകുന്നത്.
സയ്യിദ് റശീദലി ശിഹാബ് തങ്ങള്‍ ഉദ്ഘാടനം ചെയ്യും. ഡോ. ബഹാഉദ്ദീന്‍ മുഹമ്മദ് നദ്‌വി, ഇ.ടി മുഹമ്മദ് ബഷീര്‍ എം.പി, യു. ശാഫി ഹാജി, മുസ്തഫ മാസ്റ്റര്‍ മുണ്ടുപാറ, സി.പി സൈതലവി, സത്താര്‍ പന്തലൂര്‍ സംബന്ധിക്കും. സിംസാറുല്‍ ഹഖ് ഹുദവി മുഖ്യപ്രഭാഷണം നടത്തും.