ദുബൈ: റമദാനിലെ പ്രവർത്തന സമയം പ്രഖ്യാപിച്ച് വിസ സേവനങ്ങൾക്കുള്ള ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ). റമദാൻ മാസത്തിൽ, ഉയർന്ന നിലവാരമുള്ള സേവനങ്ങൾ ലഭ്യമാക്കാൻ‍ ലക്ഷ്യമിട്ടാണ് ഈ പ്രവർത്തന സമയം നിശ്ചയിച്ചിരിക്കുന്നത്.

അൽ ജഫിലിയയിലെ പ്രധാന ആസ്ഥാനത്തും അൽ ത്വവാർ, അൽ മനാറ സെന്ററുകളിലും, ദുബൈ എമിറേറ്റിലെ വിവിധ പ്രദേശങ്ങളിലെ ജിഡിആർഎഫ്എയുടെ ബാഹ്യ കേന്ദ്രങ്ങളിലും ഈ കാലയളവിൽ ഉപഭോക്താക്കൾക്ക് സേവനങ്ങൾ ലഭിക്കും. തിങ്കളാഴ്ച മുതൽ വ്യാഴാഴ്ച വരെ രാവിലെ ഒൻപതുമുതൽ വൈകുന്നേരം അഞ്ചുവരെയും വെള്ളിയാഴ്ചകളിൽ രാവിലെ ഒൻപതുമുതൽ ഉച്ചക്ക് 12 വരെയും, തുടർന്ന് ഉച്ചക്ക് രണ്ടുമുതൽ വൈകുന്നേരം അഞ്ചുവരെയും സേവന ഓഫിസുകൾ പ്രവർത്തിക്കുമെന്ന് ജിഡിആർഎഫ്എ ദുബൈ ഡയറക്ടർ ജനറൽ ലഫ്. ജനറൽ മുഹമ്മദ് അഹ്മദ് അൽ മർറി അറിയിച്ചു.

അതേലമയം, ദുബൈ എയർപോർട്ടിലെ (ടെർമിനൽ 3) കസ്റ്റമർ ഹാപ്പിനെസ് സെന്ററിൽ 24 മണിക്കൂറും സേവനങ്ങൾ ലഭിക്കും. ഔദ്യോഗിക വെബ്സൈറ്റിലൂടെയും, സ്മാർട്ട് ആപ്ലിക്കേഷനുകളിലൂടെയും സേവനങ്ങൾ തുടർച്ചയായി ലഭ്യമാകുമെന്നും ജിഡിആർഎഫ്എ വ്യക്തമാക്കി. അൽ അവീർ കസ്റ്റമർ ഹാപ്പിനെസ് സെന്റർ എല്ലാ ദിവസവും രാവിലെ ഏഴുമുതൽ വൈകുന്നേരം അഞ്ചുവരെ പ്രവർത്തിക്കും.
 
റമദാൻ മാസത്തിൽ ഉപഭോക്താക്കൾക്ക് സേവനങ്ങൾ ലഭ്യമാക്കുന്നതിനായി ജിഡിആർഎഫ്എ തയ്യാറായിരിക്കുമെന്ന് ഉറപ്പുനൽകി. കൂടാതെ,  ഉപഭോക്താക്കൾക്ക് 8005111 എന്ന ടോൾഫ്രീ നമ്പർ വഴി 24 മണിക്കൂറും അമേർ കോൾ സെന്ററിൽ ബന്ധപ്പെടാവുന്നതാണ്. ഉപഭോക്താക്കൾക്ക് ഉയർന്ന നിലവാരമുള്ള സേവനങ്ങൾ എത്തിക്കുന്നതിലൂടെ ദുബൈ സർക്കാരിന്റെ മികവ് ഉറപ്പാക്കുകയും എല്ലാ ഇടപാടുകളും സുഗമമായി നടത്തുകയും ചെയ്യുന്നതിന് ഡയറക്ടറേറ്റ് സന്നദ്ധത അറിയിച്ചു. 

Get the latest updates on the Ramadan working hours for the General Directorate for Residency Affairs GDRFA in Dubai