ടെഹ്‌റാന്‍: ഇറാനിലെ സ്‌കൂളില്‍ ഇസ്‌റാഈല്‍ നടത്തിയ ആക്രമണത്തില്‍ മാത്രം കൊല്ലപ്പെട്ടത് 180 പേരാണ്. 180 പെണ്‍കുട്ടികള്‍. ഇറാന്‍ ആരോഗ്യമന്ത്രാലയത്തിന്റേതാണ് ഈ റിപ്പോര്‍ട്ട്. ഇറാനെതിരായ നീക്കത്തിലെ ആദ്യ ദിനത്തിലായിരുന്നു സ്‌കൂളിനെതിരായ ആക്രമണം. ഇറാനില്‍ മരണം 550 കവിഞ്ഞെന്ന് ഇറാനിയന്‍ റെഡ് ക്രസന്റ് സൊസൈറ്റി റിപ്പോര്‍ട്ട് ചെയ്യുന്നു. 

തെക്കന്‍ ഇറാനിലെ മിനാബ് നഗരത്തിലെ പെണ്‍കുട്ടികളുടെ പ്രൈമറി സ്‌കൂളിനു നേരെയാണ് ആദ്യദിനം ആക്രമണമുണ്ടായത്. ശനിയാഴ്ച രാവിലെയായിരുന്നു സംഭവം. ക്ലാസ് നടക്കുമ്പോഴായിരുന്നു ആക്രമണം. അവശിഷ്ടങ്ങള്‍ തെരുവിലുടനീളം ചിതറിക്കിടക്കുന്നതുമായ ഭയാനകമായ കാഴ്ചയാണ് പിന്നീട് ലോകം കണ്ടത്. ഇസ്‌ലാമിക് റെവല്യൂഷണറി ഗാര്‍ഡ്‌സ് കോര്‍പ്‌സ് ബാരക്കിനോട് ചേര്‍ന്നാണ് സ്‌കൂള്‍ കെട്ടിടം സ്ഥിതി ചെയ്തിരുന്നത്.

ALSO READ: ഹിസ്ബുല്ലക്കെതിരെ യുദ്ധം പ്രഖ്യാപിച്ച് ഇസ്‌റാഈല്‍; ലബനാനില്‍ കൂട്ടപ്പലായനം, ബോംബാക്രമണത്തില്‍ മരണം 31 ആയി 

യു.എസുമായി ഇനി ചര്‍ച്ചക്കില്ലെന്ന് ഇറാന്‍
ദോഹ: ഗള്‍ഫ് രാജ്യങ്ങള്‍ക്ക് നേരെ വീണ്ടും ഇറാന്റെ ആക്രമണം. ദോഹയില്‍ വീണ്ടും ആക്രമണമെന്ന് സൂചന. ഒന്നില്‍ കൂടുതല്‍ സ്ഫോടന ശബ്ദങ്ങള്‍ കേട്ടതായാണ് റിപ്പോര്‍ട്ട്. ഇറാനിയന്‍ ആക്രമണം തുടരുകയാണെന്നതിന്റെ സൂചനയായി ഖത്തര്‍ തലസ്ഥാനത്ത് അര ഡസനോളം ഉച്ചത്തിലുള്ള സ്ഫോടനങ്ങള്‍ കേട്ടതായി അല്‍ ജസീറ റിപ്പോര്‍ട്ട് ചെയ്യുന്നു.
കുവൈത്തില്‍ വീണ്ടും വ്യോമാക്രമണ സൈറണുകള്‍ മുഴങ്ങുന്നതായും അല്‍ജസീറ റിപ്പോര്‍ട്ടുണ്ട്.
സമീപ മണിക്കൂറുകളില്‍ രാജ്യത്ത് ഇത് മൂന്നാം തവണയെങ്കിലും അലാറങ്ങള്‍ മുഴങ്ങി. തലസ്ഥാനത്തെ സമീപിച്ച 'ഭൂരിപക്ഷം' ഡ്രോണുകളും രാജ്യത്തിന്റെ വ്യോമ പ്രതിരോധം വിജയകരമായി തടഞ്ഞതായി കുവൈത്ത് അധികൃതര്‍ നേരത്തെ റിപ്പോര്‍ട്ട് ചെയ്തിരുന്നു. ദുബായിലും അപകട സൈറണ്‍ മുഴങ്ങി.

അതിനിടെ യു.എസുമായി ചര്‍ച്ചക്കില്ലെന്ന് ഇറാന്‍ വ്യക്തമാക്കി. വാഷിങ്ടണുമായി ആണവ ചര്‍ച്ചകള്‍ പുനരാരംഭിക്കാന്‍ താന്‍ പുതിയൊരു ശ്രമം നടത്തിയെന്ന യു.എസ് മാധ്യമങ്ങളുടെ അവകാശവാദം ഇറാന്റെ ദേശീയ സുരക്ഷാ കൗണ്‍സില്‍ സെക്രട്ടറി അലി ലാരിജാനി നിഷേധിച്ചു.

death toll in iran has reportedly crossed 550 amid ongoing conflict while an israeli strike on a school has killed 180 girls escalating humanitarian concerns in the region