അബൂദബി: യുഎഇയില്‍ ഈയാഴ്ച താപനിലകൂടും. ഇടയ്ക്കിടെ മഴയും നല്ല കാലാവസ്ഥയുമായിരുന്നു കഴിഞ്ഞ ഏതാനും ആഴ്ചകളായി യുഎഇയിലെ സാഹചര്യം എങ്കില്‍ ഈയാഴ്ചത്തോടെ താപനിലകൂടുമെന്നാണ് ഏറ്റവും പുതിയ കാലാവസ്ഥാ അപ്‌ഡേറ്റ്‌സില്‍ ദേശീയ കാലാവസ്ഥാ കേന്ദ്രം (എന്‍സിഎം) പ്രവചിച്ചിരിക്കുന്നത്. പുതിയ വിവരത്തിലെ ഹൈലൈറ്റ്‌സുകള്‍ ഇവയാണ്:

• * ഇന്ന് (മാര്‍ച്ച് 7) തെളിഞ്ഞ കാലാവസ്ഥയായിരിക്കും. 
  * ചില പ്രദേശങ്ങളില്‍ ചിലപ്പോള്‍ ഭാഗികമായി മേഘാവൃതമായ കാലാവസ്ഥയുണ്ടാകും.
  * താപനില ഉയരാനുള്ള സാധ്യതയും ഉണ്ട്.
  * അബുദാബിയില്‍ മിക്കവാറും വെയില്‍ അനുഭവപ്പെടും. ഇവിടെ പരമാവധി താപനില 36 ഡിഗ്രി സെല്‍ഷ്യസും കുറഞ്ഞത് 23 ഡിഗ്രി സെല്‍ഷ്യസും ആയിരിക്കും. 
  * ദുബായിലും വെയില്‍ അനുഭവപ്പെടും. പരമാവധി താപനില 37 ഡിഗ്രി സെല്‍ഷ്യസിനും 23 ഡിഗ്രി സെല്‍ഷ്യസിനും ഇടയില്‍ ആയിരിക്കും.
  * തെക്കുകിഴക്ക് മുതല്‍ വടക്കുകിഴക്ക് വരെ നേരിയതോ മിതമായതോ ആയ കാറ്റ് പ്രതീക്ഷിക്കാം. ചില സമയങ്ങളില്‍ ഇത് 25 കിലോമീറ്റര്‍ വേഗതയില്‍ വീശും, ചിലപ്പോള്‍ ഇത് മണിക്കൂറില്‍ 35 കിലോമീറ്റര്‍ വരെ വേഗതയില്‍ വീശാനും സാധ്യതയുണ്ട്.
  * അറേബ്യന്‍ ഗള്‍ഫില്‍ കടല്‍ പൊതുവേ ശാന്തമായിരിക്കും.

ഈ വാരാന്ത്യത്തില്‍ രാജ്യത്തിന്റെ വിവിധ ഭാഗങ്ങളില്‍ തെളിഞ്ഞതോ ഭാഗികമായി മേഘാവൃതമായതോ ആയ ആകാശം പ്രതീക്ഷിക്കാം. ഇന്നും നാളെയുമായി (മാര്‍ച്ച് 7, മാര്‍ച്ച് 8) രാജ്യത്തുടനീളം താപനിലയില്‍ വര്‍ദ്ധനവുണ്ടാകും. ചില പടിഞ്ഞാറന്‍ തീരപ്രദേശങ്ങളില്‍, ഞായറാഴ്ചയും തിങ്കളാഴ്ചയും താപനില കുറയുമെന്ന് പ്രതീക്ഷിക്കുന്നതിനാല്‍ കാലാവസ്ഥയില്‍ മാറ്റമുണ്ടാകുമെന്നും പ്രവചനം പറയുന്നു.

UAE weather tomday rise in temperature likely