ഭോപ്പാൽ: മധ്യപ്രദേശിലെ ദാമോയിൽ പതിനാറുകാരനെ ക്രൂരമായി കൊലപ്പെടുത്തിയ ശേഷം മാംസം ഭക്ഷിക്കാനും രക്തം കുടിക്കാനും ശ്രമിച്ച പ്രതി പിടിയിലായി. ദാമോ സ്വദേശിയായ ഗുഡ്ഡ പട്ടേൽ (46) ആണ് പൊലിസിന്റെ പിടിയിലായത്. ഭരത് വിശ്വകർമ്മ എന്ന 16 വയസ്സുകാരനാണ് ദാരുണമായി കൊല്ലപ്പെട്ടത്.

ALSO READ: കാഴ്ചാപരിമിതിയെ തോൽപ്പിച്ച നിശ്ചയദാർഢ്യം; സിവിൽ സർവീസിൽ 109-ാം റാങ്കിന്റെ തിളക്കവുമായി കോഴിക്കോട്ടുകാരൻ അജയ് രാജ്

കഴിഞ്ഞ ദിവസമാണ് സംഭവം. സഹോദരിയുടെ വീട്ടിലേക്ക് നടന്നുപോവുകയായിരുന്നു ഭരത്. എന്നാൽ വഴിയിൽ ഒളിച്ചിരിക്കുകയായിരുന്നു പ്രതിയായ ഗുഡ്ഡ പട്ടേൽ. പിന്നാലെ ഇരുമ്പ് വടി ഉപയോഗിച്ച് ഭരതിനെ പിന്നിൽ നിന്ന് അടിച്ചു വീഴ്ത്തി. നിലത്തു വീണ കുട്ടിയെ ചുറ്റിക കൊണ്ട് അടിച്ചാണ് പ്രതി കൊലപ്പെടുത്തിയത്.

ALSO READ: ജസ്‌ലിയയുടെ മരണം: രൂപം മാറ്റി രക്ഷപെടാൻ ശ്രമം; ഒളിവിൽ കഴിഞ്ഞിരുന്ന ഡോക്ടർ പിടിയിലായി

അടിയേറ്റ് അലറി കരയുന്ന കുട്ടിയുടെ ശബ്ദം കേട്ട് ഗ്രാമവാസികൾ ഓടിക്കൂടുകയായിരുന്നു. ​കൊല്ലപ്പെട്ട ഭരതിന്റെ ശരീരത്തിൽ നിന്ന് പ്രതി മാംസം ഭക്ഷിക്കുന്നതും രക്തം കുടിക്കുന്നതും കണ്ടതോടെ പ്രദേശവാസികൾ അമ്പരന്നു. ഉടൻ തന്നെ ഗ്രാമവാസികൾ ഇയാളെ കീഴ്പ്പെടുത്തുകയും പൊലിസിനെ വിവരമറിയിക്കുകയുമായിരുന്നു.

പിടിയിലായ ഗുഡ്ഡ പട്ടേൽ എന്നയാൾ നിരവധി ക്രിമിനൽ കേസുകളിൽ പ്രതിയാണ് എന്ന് പൊലിസ് വ്യക്തമാക്കി. സ്വന്തം ഭാര്യയെ കൊലപ്പെടുത്തിയ കേസിൽ ശിക്ഷ അനുഭവിച്ചു വരികയായിരുന്ന ഇയാൾ. എന്നാൽ കഴിഞ്ഞ ജനുവരിയിലാണ് ജയിൽ മോചിതനായത്.

പ്രതിക്ക് എന്തെങ്കിലും തരത്തിലുള്ള മാനസിക വൈകല്യങ്ങളുണ്ടോ എന്ന കാര്യവും പൊലിസ് പരിശോധിച്ചു വരികയാണ്. കൃത്യമായ അന്വേഷണം നടത്തി കർശന നടപടി സ്വീകരിക്കും എന്ന് പൊലിസ് വക്താവ് അറിയിച്ചു. നിലവിൽ പ്രതിയെ പൊലിസ് കസ്റ്റഡിയിലെടുത്തിട്ടുണ്ട്. പ്രദേശത്ത് വലിയ രീതിയിലുള്ള പ്രതിഷേധവും ഭീതിയും നിലനിൽക്കുന്നതായും റിപ്പോർട്ടുകൾ പുറത്ത് വരുന്നു.

horror in madhya pradesh: man kills teen, attempts cannibalism. In a gruesome incident in Damoh, Madhya Pradesh, a 46-year-old man named Gudda Patel was arrested for the brutal murder of a 16-year-old boy, Bharat Vishwakarma.