തിരുവനന്തപുരം: തിരുവനന്തപുരം - കാസര്‍കോട്/മംഗളൂരു വന്ദേഭാരത് ട്രെയിനുകളിലെ ഭക്ഷണ മെനു റെയില്‍വേ പരിഷ്‌കരിച്ചു. യാത്രക്കാര്‍ക്ക് ബോറടിക്കാത്ത രീതിയില്‍ മൂന്ന് വ്യത്യസ്ത സെറ്റ് മെനുകളാണ് വിവിധ ദിവസങ്ങളിലായി വിളമ്പുക. കഴിഞ്ഞ രണ്ടാഴ്ചയായി നടത്തിയ ട്രയല്‍ റണ്ണിന് മികച്ച പ്രതികരണം ലഭിച്ചതിനെ തുടര്‍ന്നാണ് സ്ഥിരം മാറ്റം.

ഉച്ചഭക്ഷണവും രാത്രിഭക്ഷണവും (Lunch & Dinner)

നോണ്‍വെജ്- നെയ്‌ച്ചോറിനൊപ്പം വറുത്തരച്ച ചിക്കന്‍ കറി, മട്ടയരി ചോറിനൊപ്പം മലബാര്‍ ചിക്കന്‍ കറി, ചിക്കന്‍ ബിരിയാണി എന്നിവ ലഭിക്കും. എക്‌സിക്യുട്ടീവ് ക്ലാസില്‍ മട്ടയരി ചോറിനൊപ്പം മീന്‍ കറിയും ലഭ്യമാണ്.

വെജിറ്റേറിയന്‍- നെയ്‌ച്ചോര്‍, ഗോതമ്പ് പൊറോട്ട, വെജ് ബിരിയാണി, മലബാര്‍ പൊറോട്ട എന്നിവയ്‌ക്കൊപ്പം അടപ്രഥമന്‍, സേമിയ പായസം തുടങ്ങിയ മധുരപലഹാരങ്ങളും ഉള്‍പ്പെടുത്തിയിട്ടുണ്ട്.

പ്രഭാത ഭക്ഷണം (Breakfast)

വെജ്- ഇഡലി-വട-സാമ്പാര്‍, കടലക്കറിയും ഇടിയപ്പവും. ഉപ്പുമാവ് തുടങ്ങിയ കേരളീയ വിഭവങ്ങള്‍. കൂടെ ഉണ്ണിയപ്പമോ വട്ടയപ്പമോ ലഭിക്കും.

നോണ്‍വെജ്- മുട്ട ചിക്കിയത് (Scrambled Eggs), മുട്ട റോസ്റ്റ് എന്നിവയോടൊപ്പം ബ്രഡ് റോളും ടീ കേക്കും ഉള്‍പ്പെടുന്നു.

ലഘുഭക്ഷണം (Snacks)

വൈകുന്നേരങ്ങളില്‍ ഇലയട, പരിപ്പുവട, കൊഴുക്കട്ട, ചീര വട എന്നിവ മാറി മാറി നല്‍കും.

The Railways has revamped the catering menu for Thiruvananthapuram-Kasargod/Mangaluru Vande Bharat trains, introducing authentic Kerala dishes like Neychoru, Chicken Curry, and traditional snacks.