തിരുവമ്പാടി: വയനാട് ചുരത്തിലെ ഗതാഗതക്കുരുക്കിന് ശാശ്വത പരിഹാരമാകുന്ന ആനക്കാംപൊയില്‍-കള്ളാടി-മേപ്പാടി തുരങ്കപാതയുടെ പാറതുരക്കല്‍ പ്രവൃത്തികള്‍ക്ക് ഇന്ന് തുടക്കമാകും. രാവിലെ 11ന് തിരുവമ്പാടി മറിപ്പുഴയില്‍ നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ പദ്ധതിയുടെ സ്വിച്ച് ഓണ്‍ കര്‍മം നിര്‍വഹിക്കും. പൊതുമരാമത്ത് മന്ത്രി പി.എ മുഹമ്മദ് റിയാസ് അധ്യക്ഷത വഹിക്കും.

ആനക്കാംപൊയില്‍ മുതല്‍ മേപ്പാടി വരെ 8.7 കിലോമീറ്റര്‍ നീളമുള്ള തുരങ്കപാത. കിഫ്ബിയില്‍ നിന്ന് 2134.50 കോടി രൂപ ചെലവഴിച്ചാണ് നിര്‍മാണം.

കൊങ്കണ്‍ റെയില്‍വേ കോര്‍പ്പറേഷന്റെ മേല്‍നോട്ടത്തില്‍ അത്യാധുനിക സാങ്കേതികവിദ്യ ഉപയോഗിച്ച് പരിസ്ഥിതി സൗഹൃദമായാണ് തുരങ്കം നിര്‍മിക്കുന്നത്. നാല് വര്‍ഷത്തിനുള്ളില്‍ പദ്ധതി പൂര്‍ത്തിയാക്കാനാണ് ലക്ഷ്യമിടുന്നത്.\

ALSO READ: വന്ദേഭാരതില്‍ ഇനി മലബാറി രുചിയും; നെയ്‌ച്ചോറും വറുത്തരച്ച ചിക്കന്‍ കറിയും മെനുവില്‍

യാത്രക്കാര്‍ക്കുള്ള നേട്ടം
തുരങ്കപാത യാഥാര്‍ത്ഥ്യമാകുന്നതോടെ കോഴിക്കോട്  -വയനാട് യാത്രാസമയം പകുതിയായി കുറയും. താമരശ്ശേരി ചുരത്തിലെ ഗതാഗതക്കുരുക്കില്‍പ്പെടാതെ അതിവേഗം വയനാട്ടിലെത്താന്‍ സാധിക്കും എന്നത് മലബാര്‍ മേഖലയുടെ ടൂറിസം, വാണിജ്യ രംഗങ്ങളില്‍ വലിയ മാറ്റമുണ്ടാക്കും.

Chief Minister Pinarayi Vijayan will today inaugurate the rock drilling for the 8.7 km Anakkampoyil-Meppadi tunnel road, which aims to reduce the Kozhikode-Wayanad travel time by half.