ചര്‍മത്തെ സംരക്ഷിക്കുന്നതിന് മികച്ചതാണ് തൈര്. ലാറ്റിക് ആസിഡ് കൊണ്ട് സമ്പുഷ്ടമായ തൈര് തിളക്കമുള്ള ചര്‍മം സ്വന്തമാക്കാന്‍ നിങ്ങളെ സഹായിക്കും. തൈരിന് ചര്‍മത്തിലെ നേര്‍ത്തവരകളെയും ചുളിവുകളെയും കുറയ്ക്കാന്‍ സഹായിക്കുന്നതാണ്. മാത്രമല്ല വെയില്‍ കൊണ്ട് കരുവാളിപ്പ് വന്നാല്‍ ഇതകറ്റാന്‍ തൈരിന്റെ പാക്കുകള്‍ ഗുണം ചെയ്യുന്നതാണ്.  

ഉണ്ടാക്കുന്ന വിധം

ഒരു പാത്രത്തില്‍ കുറച്ച് തൈരും അതിലേക്ക് ഇത്തിരി മഞ്ഞള്‍ പൊടിയും ചേര്‍ത്ത് നന്നായി മിക്‌സ് ചെയ്യുക. ഇത് മുഖത്തും കഴുത്തിലും തേച്ച് പിടിപ്പിച്ച് 20 മിനിറ്റിന് ശേഷം കഴുകിക്കളയുക. ആഴ്ചയില്‍ രണ്ടോ മൂന്നോ പ്രാവശ്യം ചെയ്യുക.

ഒരുപാത്രത്തില്‍ കുറച്ച് തേനും കുറച്ച് തൈരും മിക്‌സ് ചെയ്യുക. ഇതും മുഖത്തും കഴുത്തിലും തേച്ച് പിടിപ്പിച്ച് 20 മിനിറ്റിനു ശേഷം കഴുകിക്കളയാം. 

അതുപോലെ ഒരു പാത്രത്തിലേക്ക് തൈരും ഓട്‌സ് പൊടിച്ചതും ചേര്‍ത്ത് നന്നായി മിക്‌സ് ചെയ്യുക. ശേഷം ഈ പാക്ക് മുഖത്തും കഴുത്തിലും തേച്ച് പിടിപ്പിക്കുക. ഉണങ്ങിവരുമ്പോള്‍ കഴുകുക.