2025 ഇന്ത്യൻ പ്രീമിയർ ലീഗിനായുള്ള തയ്യാറെടുപ്പിലാണ് ഇന്ത്യൻ ഇതിഹാസ നായകൻ എംഎസ് ധോണി. 2019ൽ ധോണി അന്താരാഷ്ട്ര ക്രിക്കറ്റിൽ നിന്നും വിരമിക്കൽ പ്രഖ്യാപിച്ചെങ്കിലും ഇപ്പോഴും ഇന്ത്യൻ പ്രീമിയർ ലീഗിൽ ചെന്നൈ സൂപ്പർ കിങ്സിന് വേണ്ടി ധോണി തന്റെ പ്രായത്തെ വെല്ലുന്ന പോരാട്ടവീര്യങ്ങളാണ് നടത്തിക്കൊണ്ടിരിക്കുന്നത്. 

ഈ ഐപിഎല്ലിൽ ധോണിയെ കാത്തിരിക്കുന്നത് ഒരു ലോക റെക്കോർഡാണ്. ഈ സീസണിൽ ചെന്നൈ സൂപ്പർ കിങ്സിനു വേണ്ടി 9 മത്സരങ്ങൾ കളിക്കാൻ ധോണിക്ക് സാധിച്ചാൽ ക്രിക്കറ്റിന്റെ ചരിത്രത്തിൽ മറ്റൊരു താരത്തിനും സ്വന്തമാക്കാൻ സാധിക്കാത്ത ഒരു നേട്ടം സ്വന്തമാക്കാൻ ധോണിക്ക് കഴിയും. സിഎസ്കെക്ക്‌ വേണ്ടി ഒമ്പത് മത്സരങ്ങൾ കൂടി കളത്തിൽ ഇറങ്ങിയാൽ ടി-20യിൽ 400 മത്സരങ്ങൾ പൂർത്തിയാക്കാൻ ധോണിക്ക് സാധിക്കും.

ഇതോടെ 400 ടി-20 മത്സരങ്ങളും 350 ഏകദിന മത്സരങ്ങളും 50 ടെസ്റ്റ് മത്സരങ്ങളും കളിക്കുന്ന ആദ്യ താരമായി മാറാൻ ധോണിക്ക്‌ സാധിക്കും. ഇതിനോടകം തന്നെ 391 ടി-20 മത്സരങ്ങളാണ് ധോണി കളിച്ചിട്ടുള്ളത്. ഇതിൽ ഇന്റർനാഷണൽ ക്രിക്കറ്റ് 98 ടി-20 മത്സരങ്ങളും ആണ് ധോണി കളിച്ചിട്ടുള്ളത്. 350 ഏകദിന മത്സരങ്ങളും 98 ടെസ്റ്റ് മത്സരങ്ങളുമാണ് ധോണി കളിച്ചിട്ടുള്ളത്.

മാർച്ച് 22നാണ് ഐപിഎല്ലിന് തുടക്കമാവുന്നത്. ടൂർണമെന്റിന്റെ ആദ്യ മത്സരത്തിൽ നിലവിലെ ചാമ്പ്യന്മാരായ കൊൽക്കത്ത നൈറ്റ് റൈഡേഴ്സും റോയൽ ചലഞ്ചേഴ്സ് ബാംഗ്ലൂരും തമ്മിലാണ് ഏറ്റുമുട്ടുന്നത്. മാർച്ച് 23നാണ് ചെന്നൈയുടെ ആദ്യ മത്സരം. മുംബൈ ഇന്ത്യൻസിനെതിരെയാണ് സിഎസ്കെ സീസണിലെ തങ്ങളുടെ ആദ്യ മത്സരം കളിക്കുന്നത്. കഴിഞ്ഞ സീസണിൽ ധോണി ചെന്നൈയുടെ ക്യാപ്റ്റൻ സ്ഥാനം ഋതുരാജ് ഗെയ്ക്‌വാദിന് കൈമാറിയിരുന്നു. ഐപിഎല്ലിലെ ആറാം കിരീടം ലക്ഷ്യം വെച്ചായിരിക്കും ചെന്നൈ കളത്തിലറങ്ങുക. ഈ സീസണിൽ മെഗാ ലേലത്തിൽ മികച്ച താരങ്ങളെ ടീമിലെത്തിച്ചുകൊണ്ടാണ് ചെന്നൈ പോരാട്ടത്തിനിറങ്ങുന്നത്. 

2025 ഐപിഎൽ ചെന്നൈ സൂപ്പർ കിങ്‌സ് സ്‌ക്വാഡ്

റുതുരാജ് ഗെയ്‌ക്‌വാദ്)ക്യാപ്റ്റൻ), മതീശ പതിരണ, ശിവം ദുബെ, രവീന്ദ്ര ജഡേജ, എംഎസ് ധോണി, ഡെവോൺ കോൺവേ കോൺവേ, രാഹുൽ ത്രിപാഠി, രചിൻ രവീന്ദ്ര, ആർ അശ്വിൻ, നൂർ അഹമ്മദ്, വിജയ് ശങ്കർ, സാം കറാൻ, ഷെയ്ക് റഷീദ്, അൻഷുൽ കാംബോജ്, മുകേഷ് ചൗധരി, ജിജാപ് ചൗധരി, ദീപക് സിംഗ്, നഥാൻ എല്ലിസ്, ജാമി ഓവർട്ടൺ, കമലേഷ് നാഗർകോട്ടി, രാമകൃഷ്ണ ഘോഷ്, ശ്രേയസ് ഗോപാൽ, വൻഷ് ബേദി, ആന്ദ്രേ സിദ്ധാർഥ്.