കോഴിക്കോട് :വടകരയിൽ 35 വർഷത്തോളം ജോലി ചെയ്ത സ്ഥാപനത്തിൽ നിന്ന് 24 പവൻ സ്വർണം മോഷ്ടിച്ച ജീവനക്കാരനെ പൊലീസ് അറസ്റ്റ് ചെയ്തു. ചോറോട് കുരിയാടിയിലെ വള്ളിൽ സുനിലി (65)നെതിരെ കേസ് രജിസ്റ്റർ ചെയ്ത് അറസ്റ്റ് ചെയ്തത് വടകര പൊലീസാണ്. ഗീത രാജേന്ദ്രൻ എന്നയാളുടെ ഉടമസ്ഥതയിലുള്ള സ്‌റ്റേഷനറി കടയിലെ വിശ്വസ്ത ജീവനക്കാരനായിരുന്നു ഇയാൾ.

വിശ്വാസം മുതലെടുത്ത മോഷണം

വിവാഹ ആവശ്യത്തിനായി എടുത്ത ആഭരണങ്ങൾ താൽക്കാലികമായി സുരക്ഷിതമാക്കാനായി ഗീത തന്റെ കടയിൽ സൂക്ഷിച്ചിരുന്നു. പകൽ ആളുകൾ വന്നുപോകുന്ന കച്ചവടസ്ഥലമായതിനാൽ സുരക്ഷിതമെന്ന് വിശ്വസിച്ചാണ് തീരുമാനമെടുത്തത്. എന്നാൽ ഈ വിവരം ജീവനക്കാരനായ സുനിലിന് അറിയാമായിരുന്നു. ലോക്കറിലേക്ക് മാറ്റാനായി ആഭരണം പരിശോധിച്ചപ്പോൾ കുറവുണ്ടെന്ന് ഗീതക്ക് ബോധ്യമായി.

തന്നെ ചോദ്യം ചെയ്ത ഉടമയ്ക്ക് സമ്മതം

ഉടമയായ ഗീത ചോദ്യം ചെയ്‌തപ്പോൾ, സ്വർണം താൻ എടുത്തത് സമ്മതിക്കുകയും രണ്ടുമാസത്തിനുള്ളിൽ പണം തിരികെ നൽകാമെന്ന് സുനിൽ പറഞ്ഞു. ഇതോടെയാണ് ഗീത വടകര പൊലീസിൽ പരാതി നൽകുന്നത്.
മോഷണ ശേഷം പോലും സാധാരണപോലെ ജോലിയിൽ വന്നസുനിലിനെ കടയിൽ എത്തിയപ്പോഴാണ് പൊലീസ് സംഘം അറസ്റ്റുചെയ്തത്. പിന്നീട് വടകര കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

In Kozhikode’s Vadakara, a 65-year-old employee was arrested for stealing 24 sovereigns of gold from the shop where he worked for 35 years. Owner discovered the theft while transferring jewellery to a locker.