ദുബൈ: ഒമാന്‍ സുല്‍ത്താന്‍ ഹൈത്തം ബിന്‍ താരിക് റോയല്‍ ഡിക്രി നമ്പര്‍ 53/2025 പുറപ്പെടുവിച്ചു. ഇതിലൂടെ റഷ്യയുമായുള്ള വിസ ഇളവ് ഉടമ്പടി അംഗീകരിച്ചു. 2025 ഏപ്രില്‍ 22ന് മോസ്‌കോയില്‍ വച്ച് ഒമാനും റഷ്യയും ഒപ്പുവച്ച ഉടമ്പടിയാണ് ഇപ്പോള്‍ ഔദ്യോഗികമായി അംഗീകരിക്കപ്പെട്ടത്.

ഇരു രാജ്യങ്ങളും ആവശ്യമായ നടപടിക്രമങ്ങള്‍ പൂര്‍ത്തിയാക്കിക്കഴിഞ്ഞാല്‍ പ്രാബല്യത്തില്‍ വരുന്ന കരാറിന് ഒമാന്റെ ഔപചാരിക അംഗീകാരം ഈ ഉത്തരവ് സ്ഥിരീകരിക്കുന്നു.

ഒമാന്‍-റഷ്യ പാസ്‌പോര്‍ട്ടുകള്‍ കൈവശം ഉള്ളവര്‍ക്ക് വിസയുടെ ആവശ്യമില്ലാതെ ഇരു രാജ്യങ്ങളിലും പ്രവേശിക്കാന്‍ അനുവദി നല്‍കുന്നു. ഈ കരാറിലൂടെ ഇരു രാജ്യങ്ങളും തമ്മിലുള്ള യാത്ര സുഗമമാക്കുന്നതിനാണ് വിസ ഇളവ്.

ഈ പുതിയ നടപടി യാത്രാ നടപടിക്രമങ്ങള്‍ ലളിതമാക്കുക മാത്രമല്ല, സാമ്പത്തികം, ടൂറിസം, വിദ്യാഭ്യാസം, നിക്ഷേപം തുടങ്ങിയ പ്രധാന മേഖലകളില്‍ ഉഭയകക്ഷി സഹകരണത്തിന് വഴി തുറക്കുകയും ചെയ്യും.

എല്ലാ നടപടിക്രമങ്ങളും പൂര്‍ത്തിയാകുമ്പോള്‍ ഒമാന്‍ വിദേശകാര്യ മന്ത്രാലയം വിസ ഒഴിവാക്കല്‍ ഉടമ്പടിയുടെ ഔദ്യോഗിക ആരംഭ തീയതി പ്രഖ്യാപിക്കും. ഈ ഉടമ്പടി ഔദ്യോഗികമായി പ്രാബലത്തില്‍ വരുന്നതുവരെ റഷ്യയിലേക്ക് പോകാന്‍ ആഗ്രഹിക്കുന്ന ഒമാനി പൗരന്മാര്‍ നിലവിലെ നടപടിക്രമങ്ങള്‍ അനുസരിച്ച് എന്‍ട്രി വിസ നേടണം.

Sultan Haitham bin Tariq of Oman has issued Royal Decree No. 53/2025, formally approving the Oman-Russia visa waiver agreement. The deal, signed in Moscow on April 22, 2025, will allow ordinary passport holders from both countries to travel visa-free once implemented. This move aims to boost tourism, trade, and bilateral relations. The agreement will take effect after final legal and procedural formalities are completed.