വർക്കല: ഇടവയിൽ പൊലീസ് റെയ്ഡിൽ ലക്ഷങ്ങൾ വിലവരുന്ന ചന്ദനത്തടികൾ പിടികൂടി. ആൾത്താമസമില്ലാത്ത ഒരു വീട്ടിലെ രഹസ്യ അറയിൽ സൂക്ഷിച്ച നിലയിലായിരുന്നു 10 ചാക്കുകളിലായുള്ള ചന്ദനത്തടികൾ.

ഇടവയിലെ ആള്‍ത്താമസമില്ലാത്ത വീട്ടില്‍ നടത്തിയ പരിശോധനയിലാണ് പൊലീസ് ചന്ദനത്തടികള്‍ പിടികൂടിയത്.സംഭവവുമായി ബന്ധപ്പെട്ട് ഒറ്റപ്പാലം ചെർപ്പുളശേരി സ്വദേശി മുഹമ്മദ് അലി (37) എന്നയാളെ പൊലീസ് അറസ്റ്റ് ചെയ്തു. പാലോട് വനം വകുപ്പ് പ്രതിയെ ചോദ്യം ചെയ്യുകയാണ്.

ചില്ലറ വിൽപ്പനയ്ക്ക് കടത്തിയ വിദേശമദ്യം പിടികൂടി; യുവാവ് അറസ്റ്റിൽ

കൽപ്പറ്റ: ചില്ലറ വിൽപ്പന ലക്ഷ്യമാക്കി കൊണ്ടുപോയ 7.500 ലിറ്റർ വിദേശമദ്യം പൊലീസ് പിടികൂടി. നത്തങ്കുനി സ്വദേശി ദിനേശ് കുമാർ (30) ആണ് അറസ്റ്റ് ചെയ്യപ്പെട്ടത്.

മേപ്പാടി പള്ളിക്കവലയിൽ മേപ്പാടി പൊലീസിന്‍റെ നേതൃത്വത്തിൽ നടത്തിയ വാഹന പരിശോധനയ്ക്കിടയിലാണ് അനധികൃതമായി കടത്തിയ മദ്യം കണ്ടെത്തിയത്. മേപ്പാടി എസ്‌എച്ച്ഒ എ.യു. ജയപ്രകാശ് നൽകിയ നിർദേശപ്രകാരം സബ്‌ഇൻസ്പെക്ടർ വി. ഷറഫുദ്ദീൻ, സീനിയർ സിവിൽ പൊലീസ് ഓഫീസർമാരായ ചന്ദ്രകുമാർ, ഷാജഹാൻ എന്നിവരുടെ നേതൃത്വത്തിലായിരുന്നു പരിശോധന.