ഹരിപ്പാട്: ഭാര്യയെ കുറിച്ച് മോശമായി സംസാരിച്ചത് ഭർത്താവ് ചോദ്യം ചെയ്തതിന് ഭർത്താവിനെ  വീട്ടിൽ കയറി  ആക്രമിച്ച സംഭവത്തിൽ അച്ഛനും മകനും അറസ്റ്റിൽ. കരുവാറ്റ മൂട്ടിയിൽ ശിവപ്രസാദിന്റെ വീട്ടിൽ കയറി ആക്രമിച്ച കേസിൽ ആദ്യം ബിന്ദുമോൻ പിടിയിലായി.പുറകെ  മകൻ അർജുനനെയും (23) പൊലീസ് കഴിഞ്ഞ രാത്രിയിൽ അറസ്റ്റ് ചെയ്തു.

ഫെബ്രുവരി 9-ന് രാത്രി 10.25നായിരുന്നു സംഭവം. ബിന്ദുമോൻ ശിവപ്രസാദിന്റെ ഭാര്യയെ കുറിച്ച് അപകീർത്തികരമായി പരാമർശിച്ചതിനെ തുടർന്ന് ചോദ്യം ചെയ്തതോടെയാണ് ഇയാളും മകനായ അർജുനും ചേർന്ന് പരാതിക്കാരന്റെ വീട്ടിൽ കയറി ആക്രമണം നടത്തിയത്. ശിവപ്രസാദിനെയും അച്ഛനെയും അമ്മയെയും ക്രൂരമായി മർദ്ദിച്ചു.

വടികൊണ്ട് തലക്കടിയേറ്റ ശിവപ്രസാദ് ആശുപത്രിയിൽ ചികിത്സയിലാണ്. പ്രതികൾക്കെതിരെ വധശ്രമത്തിന് കേസ് എടുത്ത്, അർജുനനെ കോടതി റിമാൻഡ് ചെയ്തു. ഐഎസ്എച്ച്‌ഒ മുഹമ്മദ് ഷാഫിയുടെ നേതൃത്വത്തിൽ എസ്‌ഐമാരായ ഷൈജ, ശ്രീകുമാര കുറുപ്പ്, എസ്‌സിപിഒ രേഖ, സിപിഒമാരായ നിഷാദ്, സജാദ്, ശിഹാബ്, രാകേഷ് എന്നിവരടങ്ങിയ സംഘമാണ് പ്രതികളെ പിടികൂടി.

In Haripad, a father and son were arrested for forcibly entering a man's house and attacking him after he questioned them about making derogatory remarks about his wife. The victim, Shivaprasad, suffered head injuries and was hospitalized. The accused, Bindumon and his son Arjun, have been charged with attempted murder, and Arjun has been remanded.