തേഞ്ഞിപ്പലം:  കാലിക്കറ്റ് സർവകലാശാലയിൽ ഫലപ്രഖ്യാപന ശേഷം ഇന്റേണൽ മാർക്ക് തിരുത്തിയതായി കണ്ടെത്തൽ. ഓഡിറ്റ് വിഭാഗമാണ് ക്രമക്കേട് കണ്ടെത്തിയത്. സിൻഡിക്കേറ്റ് പരീക്ഷാ സ്റ്റാൻഡിങ് കമ്മിറ്റിയുടെ മിനുട്‌സ് പരിശോധിച്ചപ്പോൾ വിവിധ കോഴ്സുകളിലായി 22 വിദ്യാർഥികളുടെ ഇന്റേണൽ മാർക്ക് ഫലപ്രഖ്യാപന ശേഷം തിരുത്താൻ അനുവാദം നൽകിയതായാണ് കണ്ടെത്തൽ. ഫലം പ്രസിദ്ധീകരിച്ചതിന് ശേഷം മാർക്കിൽ മാറ്റംവരുത്താനോ തിരുത്തൽ വരുത്താനോ  പാടില്ലെന്നാണ് വ്യവസ്ഥ. 

കാലിക്കറ്റ് സർവകലാശാല 2014ൽ പ്രസിദ്ധീകരിച്ച ഹാൻഡ് ബുക്ക് ഓഫ് എക്സാമിനേഷൻ പ്രകാരം ഇൻ്റേണൽ മാർക്ക് കോളജിലെ നോട്ടിസ് ബോർഡിൽ പ്രിൻസിപ്പൽ, വകുപ്പ് മേധാവി, ബന്ധപ്പെട്ട അധ്യാപകൻ എന്നിവരുടെസാക്ഷ്യപ്പെടുത്തലോടെ പ്രസിദ്ധീകരിക്കേണ്ടതാണ്. 
പരാതികൾ നൽകുന്നതിന് മൂന്നുദിവസത്തെ സമയം വിദ്യാർഥികൾക്ക് അനുവദിക്കണം. പരാതികളില്ലെങ്കിൽ സർവകലാശാല അനുവദിക്കുന്ന സമയപരിധിക്കുള്ളിൽ മാർക്ക് വെബ്സൈറ്റിൽ അപ്‌ലോഡ് ചെയ്യാം. അപ്‌ലോഡ് ചെയ്ത മാർക്കിൻ്റെ പ്രിൻ്റ് ഔട്ട് നോട്ടിസ് ബോർഡിൽ വീണ്ടും പ്രസിദ്ധീകരിക്കണം. തുടർന്ന് ഇൻ്റേണൽ മാർക്ക് വിദ്യാർഥികളുടെ ശ്രദ്ധയിൽപ്പെടുത്തിയെന്നും യഥാർഥ രേഖകളുമായി ഒത്തുനോക്കി ശരിയാണെന്ന് ഉറപ്പുവരുത്തിയെന്നുമുള്ള സാക്ഷ്യപ ത്രത്തോടുകൂടി വെബ്സൈറ്റിൽ അപ്‌ലോഡ് ചെയ്ത മാർക്കിൻ്റെ പകർപ്പ് പരീക്ഷാ കൺട്രോളർക്ക് അയച്ചുകൊടുക്കണമെന്നാണ് വ്യവസ്ഥ. 

ഓഡിറ്റ് അന്വേഷണക്കുറിപ്പിന് പരീക്ഷാഭവൻ നൽകിയ മറുപടിയിൽ സ്റ്റാൻ്റിങ് കമ്മിറ്റിയുടെ തീരുമാന പ്രകാരം പരീക്ഷാ കൺട്രോളർ ഒറിജിനൽ രേഖകൾ പരിശോധിച്ച് ശരിയാണെന്ന് കണ്ടെത്തിയതിൻ്റെ അടിസ്ഥാനത്തിലാണ് മാർക്ക് തിരുത്തിയതെന്ന് അറിയിച്ചിരുന്നു. മറുപടി തൃപ്തികരമല്ലെന്നും കർശന നടപടി സ്വീകരിക്കണമെന്നുമാണ് ഓഡിറ്റ് വിഭാഗം