കണ്ണൂർ: മുഴപ്പിലങ്ങാട് ബിജെപി പ്രവർത്തകനായ സൂരജിന്റെ കേസിൽ ശിക്ഷിക്കപ്പെട്ട സിപിഎം പ്രവർത്തകരെ കുറ്റവാളികളായി പാർട്ടി കാണുന്നില്ലെന്ന് ജില്ല സെക്രട്ടറി എംവി ജയരാജൻ. സൂരജിന്റെ കൊലപാതകത്തിൽ പത്ത് പ്രതികളാണ് കേസിൽ ഉണ്ടായിരുന്നത്. ഇതിൽ ഒരാളെ വെറുതെ വിട്ടിരുന്നു.

ബാക്കിയുള്ള ഒമ്പത് പ്രതികളിൽ എട്ട് ആളുകൾക്കായിരുന്നു ജീവപര്യന്തം ശിക്ഷ ലഭിച്ചത്. ഇവരുടെയെല്ലാം നിരപരാധിത്വം തെളിയിക്കുന്നതിനു വേണ്ടി ഹൈക്കോടതിയിൽ അപ്പീൽ പോകുമെന്നും സെക്രട്ടറി ജയരാജൻ പറഞ്ഞു. കോടതിയുടെ വിധി അന്ത്യമോ ഇപ്പോൾ ശിക്ഷിക്കപ്പെട്ട പ്രതികളെ രക്ഷിക്കുവാനായി നിയമത്തിന്റെ ഏതെല്ലാം വഴി ഉപയോഗിക്കാൻ സാധിക്കുന്ന അതെല്ലാം ഉപയോഗിക്കുമെന്നും ജയരാജൻ വ്യക്തമാക്കി. 

സിപിഎം പാർട്ടി വിട്ടുകൊണ്ട് ബിജെപിയിൽ ചേർന്ന സൂരജിനെ 2005 ഓഗസ്റ്റിൽ ആയിരുന്നു പ്രതികൾ കൊലപ്പെടുത്തിയത്. മുഴപ്പിലങ്ങാടി ടെലിഫോൺ ഭവന സമീപത്ത് വച്ചായിരുന്നു സൂരജിനെ ഇവർ കൊലപ്പെടുത്തിയിരുന്നത്. ഇതിനു പിന്നാലെയാണ് കോടതി എട്ടു പ്രതികൾക്ക് ജീവപര്യന്തവും 50000 രൂപ പിഴയും വിധിച്ചിരുന്നത്.

കേസിലെ പ്രതികളെ ഒളിപ്പിച്ചുവെന്ന് കുറ്റത്തിന് പതിനൊന്നാം പ്രതിക്ക് മൂന്നുവർഷം തടവും പിഴയുമായിരുന്നു കോടതി വിധിച്ചിരുന്നത്. തലശ്ശേരി സെഷൻസ് കോടതിയായിരുന്നു വിധി പ്രഖ്യാപിച്ചിരുന്നത്. നട്ടപാധികാര തുക മരണപ്പെട്ട സൂരജിന്റെ അമ്മയ്ക്ക് നൽകണമെന്നാണ് തലശ്ശേരി കോടതി ജഡ്ജിയായ നിസാർ അഹമ്മദ് വിധി പ്രഖ്യാപിച്ചത്. സൂരജിന്റെ അമ്മയ്ക്ക് നഷ്ടപരിഹാരത്തുക നൽകിയിട്ടില്ലെങ്കിൽ കൂടുതൽ ശിക്ഷ അനുഭവിക്കണം എന്നും കോടതിവിധിയിൽ പറയുന്നുണ്ട്.