മസ്‌കത്ത്: ഒമാനില്‍ ഇന്ന് മുതല്‍ ആഭ്യന്തര സാമ്പത്തിക ഇടപാടുകള്‍ക്ക് ഇന്റര്‍നാഷനല്‍ ബാങ്ക് അക്കൗണ്ട് നമ്പര്‍ (International Bank Account Number (IBAN) നിര്‍ബന്ധം. വേഗമേറിയതും സുരക്ഷിതവുമായ ബാങ്കിങ് ഇടപാട് ഉറപ്പാക്കുകയെന്ന ലക്ഷ്യത്തോടെ ഇത് സംബന്ധിച്ച തീരുമാനം ഒമാന്‍ സെന്‍ട്രല്‍ ബാങ്ക് (Central Bank of Oman (CBO) ആണ് പ്രഖ്യാപിച്ചത്. അന്താരാഷ്ട്ര ഇടപാടുകള്‍ക്ക് കഴിഞ്ഞ മാര്‍ച്ച് 31മുതല്‍ ഐബാന്‍ നമ്പര്‍ നിര്‍ബന്ധമാക്കിയിരുന്നു. 

ALSO READ: കണ്ടാല്‍ കേരളമാണെന്ന് തോന്നും, പക്ഷേ ഒമാന്‍ ആണ്; ഖരീഫ് സീസണില്‍ ഒമാനിലേക്ക് സന്ദര്‍ശക പ്രവാഹം

ഇന്ന് മുതല്‍ ഐബാന്‍ ഉള്‍പ്പെടാത്ത ക്രോസ്‌ബോര്‍ഡര്‍ ട്രാന്‍സ്ഫറുകള്‍ സ്വീകരിക്കുന്നത് നിര്‍ത്താന്‍ സെന്‍ട്രല്‍ ബാങ്ക് പ്രാദേശിക ബാങ്കുകള്‍ക്ക് നിര്‍ദേശങ്ങള്‍ നല്‍കിയിട്ടുണ്ട്. ഐബാന്‍ ഉപയോഗിക്കുന്നതിന്റെ പ്രാധാന്യത്തെക്കുറിച്ചും അതിന്റെ നേട്ടങ്ങളെക്കുറിച്ചും ഉപഭോക്താക്കളെ അറിയിക്കാനും സെന്‍ട്രല്‍ ബാങ്ക് ആവശ്യപ്പെട്ടു. എല്ലാ ഉപഭോക്താക്കളും അവരുടെ ബാങ്കുകളില്‍നിന്ന് അവരുടെ 'ഐബാന്‍' ലഭിക്കുന്നുണ്ടെന്ന് ഉറപ്പാക്കി പണമിടപാടുകളില്‍ ഇത് ഉപയോഗിക്കേണ്ടതാണെന്ന് അധികൃതര്‍ അറിയിച്ചു.

ALSO READ: ഒമാനില്‍ കോണ്‍സുലര്‍ സേവനങ്ങള്‍ക്കായി നാളെ മുതല്‍ പുതിയ ഏജന്‍സി; 11 വിസ കേന്ദ്രങ്ങളും | Muscat Indian Embassy

എന്താണ് ഐബാന്‍?

ഇന്ത്യയിലെ പാന്‍ഡ് കാര്‍ഡിന് സമാനമായ സംവിധാനമാണ് ഒമാനിലെ ഐബാന്‍. രാജ്യത്തിന്റെ കോഡ് (OM), രണ്ട് അക്ക ചെക്ക് ഡിജിറ്റുകള്‍, മൂന്ന് അക്ഷരങ്ങളുള്ള ബാങ്ക് കോഡ്, 16 അക്കങ്ങളുള്ള ഉപഭോക്താക്കളുടെ അക്കൗണ്ട് നമ്പറുകള്‍ എന്നിവ അടങ്ങുന്നതാണ് ഐബാന്‍. ഓരോ വ്യക്തികള്‍ക്കും അവരുടെ ബാങ്ക് ആണ് ഐബാന്‍ നല്‍കുന്നത്.

The Central Bank of Oman (CBO) has issued a reminder that starting Tuesday, July 1, 2025, all cross-border transactions will be processed only through the use of the International Bank Account Number (IBAN)