കണ്ണൂര്‍: കേരളത്തെ മെച്ചപ്പെട്ട വ്യാവസായിക സംസ്ഥാനമാക്കാനുള്ള ശ്രമങ്ങള്‍ ആരംഭിച്ചതായും ചര്‍ച്ചകള്‍ പുരോഗമിക്കുകയാണെന്നും മന്ത്രി ഇ.പി ജയരാജന്‍. ചെറുകിട വ്യവസായ അസോസിയേഷന്‍ കണ്ണൂര്‍ യൂനിറ്റിന്റെ നേതൃത്വത്തില്‍ നല്‍കിയ സ്വീകരണ യോഗത്തില്‍ സംസാരിക്കുകയായിരുന്നു അദ്ദേഹം.
കാര്‍ഷിക വളര്‍ച്ചയ്ക്കു ഏറെ പ്രാധാന്യം നല്‍കുന്ന സംസ്ഥാനത്ത് കാര്‍ഷിക ഉല്‍പന്നങ്ങള്‍ക്കു കൂടുതല്‍ വിപണി ലഭിക്കാന്‍ വ്യവസായങ്ങളും വളരേണ്ടതുണ്ട്. ഇതു കര്‍ഷകരെ സഹായിക്കുന്നതാകണമെന്നും അദ്ദേഹം പറഞ്ഞു. എം രാമദാസ് മന്ത്രിയെ പൊന്നാടയണിയിച്ചു. ചര്‍ച്ചയില്‍ വിവിധ സംരഭകര്‍ പങ്കെടുത്തു. ചെറുകിട വ്യവസായ അസോസിയേഷന്‍ ജില്ലാ പ്രസിഡന്റ് ജോസഫ് പൈകട അധ്യക്ഷനായി. എം.ഒ ജോസ്‌കുമാര്‍, വി.പി വേലായുധന്‍, തോമസ് മാത്യൂസ്, എം രാമദാസ്, എം ഭാസ്‌കരന്‍, സംസാരിച്ചു.