കൊച്ചി: എല്ലാ പ്രതീക്ഷകളും തെറ്റിച്ച് കേരളത്തില്‍ സ്വര്‍ണവിലയില്‍ വന്‍ കുതിപ്പ്. ഇന്നലെയും ഇന്നുമായി 400 രൂപയാണ് സ്വര്‍ണം പവന് കൂടിയിരിക്കുന്നത്. ആഗോള വിപണിയിലെ വില തന്നെയാണ് വില കയറ്റത്തിനുള്ള പ്രധാന കാരണമായി വിദഗ്ധര്‍ ചൂണ്ടിക്കാട്ടുന്നത്. നാല് ദിവസം സ്വര്‍ണ ഉപഭോക്താക്കള്‍ക്ക് നല്ല ദിവസമായിരുന്നു. ദിനംപ്രതി ഇടിവാണ് സ്വര്‍ണവിലയില്‍ രേഖപ്പെടുത്തിയിരുന്നത്. എന്നാല്‍ ഇന്നലെ സ്വര്‍ണ വില കൂടി. ഇന്നും അതേ പാത പിന്തുടര്‍ന്നിരിക്കുകയാണ് സ്വര്‍ണം. 

ആഗോള വിപണിയില്‍ സ്വര്‍ണവില കയറിയതും ഇന്ത്യന്‍ രൂപയുടെ മൂല്യം കുറഞ്ഞതും സ്വര്‍ണ വില കൂടാനുള്ള മറ്റു കാരണങ്ങളാണ്. മാത്രമല്ല ക്രൂഡ് ഓയില്‍ വിലയും ബിറ്റ് കോയിന്‍ വിലയും വര്‍ധനയാണ് കാണിക്കുന്നത്. ഇതിനെല്ലാം പുറമേ ട്രംപിന്റെ ഇറക്കുമതി തീരുവയും വിപണിയെ പിടിച്ചുലക്കുന്നു. ഏപ്രില്‍ രണ്ട് മുതല്‍ കാറുകള്‍ക്ക് ഇറക്കുമതി തീരുവ ഏര്‍പെടുത്താനുള്ള തീരുമാനം സ്വര്‍ണവിപണിയേയും ബാധിച്ചതായി വിദഗ്ധര്‍ ചൂണ്ടിക്കാട്ടുന്നു. വെള്ളി വിലയിലും ഇന്ന് വര്‍ധനയാണ് രേഖപ്പെടുത്തിയിട്ടുള്ളത്.

ഇന്നത്തെ വില അറിയാം
കേരളത്തില്‍ ഇന്നലെ  22 കാരറ്റ് ഒരു പവന്‍ സ്വര്‍ണത്തിന് 80 രൂപ വര്‍ധിച്ച് 65560 രൂപയായിരുന്നു. ഗ്രാമിന് 10 രൂപയാണ് ഇന്നലെ വര്‍ധിച്ചത്. 8195 രൂപയായിരുന്നു ഇന്നലെ ഗ്രാമിന്റെ വില. ഇന്ന് 22 കാരറ്റ് ഒരു ഗ്രാമിന് 40 രൂപയാണ് വര്‍ധിച്ചത്. ഗ്രാമിന് വില 8,235 രൂപയായി. കണക്കനുസരിച്ച് പവന് 320 രൂപയാണ് വര്‍ധിച്ചത്. പവന്‍ 22 കാരറ്റ് സ്വര്‍ണത്തിന്റെ വില ഇന്ന് 65,880 രൂപയാണ് ആയത്.  

18 കാരറ്റ് സ്വര്‍ണത്തിനാകട്ടെ ഗ്രാമിന് അഞ്ച് രൂപ വര്‍ധിച്ച് 6720 രൂപയായിരുന്നു ഇന്നലത്തെ വില. ഇന്ന് ഗ്രാമിന് 6738 രൂപയാണ്. 33 രൂപ വര്‍ധിച്ചു. ഇന്നത്തെ 18 കാരറ്റ പവന്‍ വില 53,904 രൂപയാണ്. 264 രൂപ വര്‍ധിച്ചു.

24 കാരറ്റ് സ്വര്‍ണത്തിന്റെ വില നോക്കാം
ഗ്രാമിന് വര്‍ധിച്ചത് 44രൂപ. ഗ്രാം വില 8,984.
പവന് 352 രൂപ വര്‍ധിച്ചു വലി 71,872 രൂപയായി. 

വെള്ളിയുടെ വിലയില്‍ ഒരു രൂപ വര്‍ധിച്ച് ഗ്രാമിന് 109 രൂപയായെന്നാണ് റിപ്പോര്‍ട്ട്.

നിക്ഷേപ സൗഹൃദ അന്തരീക്ഷമില്ല എന്നാണ് വിലക്കയറ്റത്തിന് പിന്നാലെ വ്യവസായികള്‍ പറയുന്നത്. ട്രംപിന്റെ നീക്കത്തിന് സമാനമായ രീതിയില്‍ മറ്റു രാജ്യങ്ങള്‍ തിരിച്ചടിച്ചാല്‍ എന്ത് സംഭവിക്കും എന്ന ആശങ്കയുമുണ്ട്. അങ്ങനെ സംഭവിച്ചാല്‍ ചുങ്കപ്പോര് ശക്തമാകുമെന്നും ഇത് വിപണിക്ക് നല്ലതല്ലെന്നും വ്യവസായികള്‍ ചൂണ്ടിക്കാട്ടുന്നു. 

READ ALSO: കേരളത്തിലേത് പോലെ യുഎഇയിലും സ്വര്‍ണവില കുതിക്കുന്നു, മൂന്നു മാസം കൊണ്ട് 16 % വര്‍ധനവ്; കേരള- യുഎഇ താരതമ്യം നോക്കാം | UAE Gold Price