നമ്മുടെ ശരീരത്തില്‍ നിരവധി ഹോര്‍മോണുകളുണ്ട്. ഇത് നമ്മുടെ മാനസികാവസ്ഥയെയും ബാധിക്കാറുണ്ട്. അതിലൊന്നാണ് കോര്‍ട്ടിസോള്‍, എന്ന സ്ട്രസ് ഹോര്‍മോണ്‍. ക്ലീവ് ലാന്‍ഡ് ക്ലിനിക്കിന്റെ അഭിപ്രായത്തില്‍ കോര്‍ട്ടിസോള്‍ അഡ്രീനല്‍ ഗ്രന്ഥികള്‍ ഉല്‍പ്പാദിപ്പിക്കുന്ന സ്റ്റിറോയിഡ് ഹോര്‍മാണാണ്.

ഇത് നിങ്ങളുടെ ആരോഗ്യത്തെ പല വശങ്ങളെയും ബാധിക്കുകയും സമ്മര്‍ദ്ദത്തോടുള്ള നിങ്ങളുടെ ശരീര പ്രതികരണങ്ങളെ നിയന്ത്രിക്കാനും സഹായിക്കുന്നു.  കോര്‍ട്ടിസോളിന്റെ അളവ് കൂടുകയോ കുറയുകയോ ചെയ്യുന്നത് നിങ്ങളുടെ ആരോഗ്യത്തെ ബാധിക്കാം. ഇതിനായി വീട്ടുവൈദ്യങ്ങള്‍ ഉപയോഗിച്ചും ഫലം കാണാവുന്നതാണ്. അതിനായി പ്രകൃതിദത്തമായ ഈ ചായ കുടിക്കാവുന്നതാണ്. 

എങ്ങനെ ഉണ്ടാക്കാം ഈ ചായ

ഒരു സ്പൂണ്‍ മഞ്ഞള്‍പൊടിയും ഒരു സ്പൂണ്‍ കറുവപ്പട്ടയും ഒരു സ്പൂണ്‍ ഉണങ്ങിയ ഇഞ്ചിപൊടിയും ഒരു സ്പൂണ്‍ പെരുംജീരകപ്പൊടിയും ഒരു സ്പൂണ്‍ പിങ്ക് ഉപ്പും ചേര്‍ത്ത് നന്നായി യോജിപ്പിക്കുക. ഈ മിശ്രിതം ഒരു കപ്പ് ചൂടുള്ള വെള്ളത്തില്‍ ചേര്‍ത്ത് ഇളക്കുക. ഇതിലേക്ക് കുറച്ചു നാരങ്ങനീരും ചേര്‍ത്ത് കുടിക്കാവുന്നതാണ്. 

ഗുണങ്ങള്‍

ദിവസവും രാവിലെ ഇത് കുടിക്കുകയാണെങ്കില്‍ കോര്‍ട്ടിസോളിന്റെ അളവും സമ്മര്‍ദ്ദവും കുറയും
ദഹനത്തെ മെച്ചപ്പെടുത്തും
ഹോര്‍മോണുകളെ സന്തുലിതമാക്കാന്‍ സഹായിക്കും
കുടലിനെയും കരളിനെയും വിഷമുക്തമാക്കും
വയര്‍വീര്‍ക്കല്‍ കുറയ്ക്കും

പൊതുവായ വിവരങ്ങളാണ് ഇവിടെ കൊടുക്കുന്നത്. ഇതൊന്നും ചികിത്സയ്‌ക്കോ മരുന്നിനോ ഫലപ്രദവുമല്ല. അതുകൊണ്ട് എപ്പോഴും ഡോക്ടറുടെ ഉപദേശത്തോടെ ചെയ്യുക.