ജലന്ധർ: പഞ്ചാബിലെ ജലന്ധറിൽ ലഹരി മാഫിയക്കെതിരെ പൊലിസിന്റെ ബുൾഡോസർ നടപടി. ജലന്ധറിലെ നകോദറിലെ ഫൈസലാ ഗ്രാമത്തിലെ ലഹരി മാഫിയ സംഘത്തിലെ ആളുകളുടെ അനധികൃത നിർമ്മാണങ്ങൾ പൊളിച്ചു നീക്കുകയായിരുന്നു പൊലിസ്. ബിഡിപിഒയുടെ ഉത്തരവിന് പിന്നാലെയാണ് പൊലിസ് ഈ നടപടയിലേക്ക് നീങ്ങിയത്. 

ലഹരി സംഘത്തിൽ ഉൾപ്പെട്ട ഒരു ആളുടെ 50 കോടിയുടെ സ്വത്ത് നേരത്തെ തന്നെ കണ്ടു കെട്ടിയിരുന്നു. നിലവിൽ ഒളിവിൽ കഴിഞ്ഞു കൊണ്ടിരിക്കുന്ന ജസ്വിന്ദർ കൗർ എന്ന സ്ത്രീയുടെ അനധികൃത നിർമ്മാണമാണ് പൊലിസ് തകർത്തത്. ഇവർക്കെതിരെ പൊലിസ് ഇരുപത് കേസുകൾ രജിസ്റ്റർ ചെയ്തിട്ടുണ്ട്. 

നർക്കോട്ടിക് ഡ്രഗ്സ് ആന്റ്സൈക്കോട്രാപ്പിക് സബ്സ്റ്റൻസസ് ആക്റ്റ് അടക്കമുള്ള വകുപ്പുകൾ വരെ ഇവർക്കെതിരെ ചുമത്തിയിട്ടുണ്ടെന്നാണ് പൊലിസ് പറയുന്നത്. ജസ്വിന്ദർ കൗറിന്റെ ഭർത്താവിനെതിരെയും കേസുകളുണ്ടെന്ന് പൊലിസ് വ്യക്തമാക്കിയിട്ടുണ്ട്. ജസ്സി എന്ന പേരിലാണ് ഇവർ പല കുറ്റകൃത്യങ്ങളും നടത്തിയിരുന്നത്. കൊലപാതക കേസുകൾ അടക്കമുള്ള വകുപ്പുകളും ഇവർക്കെതിരെ ചുമത്തിയിട്ടുണ്ടെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. 

Police bulldoze against drug mafia in Punjab; illegal constructions demolished