വയനാട്: കൽപ്പറ്റ വാളാടിയിൽ കുളിക്കാനിറങ്ങിയ രണ്ട് കുട്ടികൾ മരിച്ചു. അജിൻ(15), ക്രിസ്റ്റ്(13) എന്നിവരാണ് പുഴയിലെ ഒഴുക്കിൽപെട്ട് മരിച്ചത്. വൈകുന്നേരം അഞ്ചു മണിയോട് കൂടിയാണ് സംഭവം നടന്നത്. അപകടത്തിൽ ഇരുവരെയും മാനന്തവാടി മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. 

ബന്ധുക്കളായ അഞ്ചു കുട്ടികളാണ് പുഴയിൽ കുളിക്കാൻ എത്തിയത്. ഇതിൽ രണ്ട് ആളുകളാണ് ഒഴുക്കിൽപെട്ടത്. ബാക്കിയുള്ള മൂന്ന് കുട്ടികളെ നാട്ടുകാർ ചേർന്ന് രക്ഷപ്പെടുത്തുകയായിരുന്നു. ഏറെ നേരത്തെ തിരച്ചിലിനൊടുവിലാണ് ഇവരെ കണ്ടെത്തിയത്. മരണപ്പെട്ട കുട്ടികളുടെ മൃതദേഹം മാനന്തവാടി മെഡിക്കൽ കോളേജിൽ ആണ് ഉള്ളത്. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും. 

Two children die while bathing in a river in Wayanad