പുത്തനത്താണി: ജില്ലയിലെ ആറു മേഖലകളിലായി നടത്തപ്പെടുന്ന മദ്‌റസാ മാനേജ്‌മെന്റ് ട്രെയ്‌നിങ് ക്യാംപിന്റെ മലപ്പുറം ജില്ലാതല ഉദ്ഘാടനം വെട്ടിച്ചിറ നൂറുല്‍ഹുദാ മദ്‌റസയില്‍ നടന്നു.
      മലപ്പുറം വെസ്റ്റ് മേഖലയിലുള്ള പത്തു റെയ്ഞ്ചിലെ ഓരോ മദ്‌റസയില്‍ നിന്നും തെരഞ്ഞെടുക്കപ്പെട്ട അക്കാദമിക് സമിതി അംഗങ്ങള്‍ക്കാണ് ക്യാംപ് നടത്തിയത്.
      സയ്യിദ് കെ.കെ.എസ് തങ്ങള്‍ വെട്ടിച്ചിറയുടെ അധ്യക്ഷതയില്‍ സമസ്ത മുശാവറ അംഗം ഡോ. ബഹാഉദ്ദീന്‍ മുഹമ്മദ് നദ്‌വി ഉദ്ഘാടനം ചെയ്തു.
എസ്.വൈ.എസ് ജില്ലാ സെക്രട്ടറി റഹീം ചുഴലി ക്ലാസെടുത്തു.
സയ്യിദ് ഹുസൈന്‍ കോയ തങ്ങള്‍ പ്രാര്‍ഥന നടത്തി. യു.ഷാഫി ഹാജി, കെ.എം കുട്ടി എടക്കുളം, കാടാമ്പുഴ സി. മൂസഹാജി, കെ.വി ബീരാന്‍ മാസ്റ്റര്‍, ബശീര്‍ ആലത്തിയൂര്‍, എന്‍.ടി.എം കുട്ടി,കെ.എം റസാഖ് മൗലവി, റഫീഖ് കല്ലിങ്ങല്‍, കുഞ്ഞു തൊഴുവാനൂര്‍, യാഹുട്ടി ഹാജി വടക്കുമ്പുറം തുടങ്ങിയവര്‍ സംസാരിച്ചു.