ബെംഗളൂരു:  ഇൻഡിഗോ വിമാനത്തിലെ ജീവനക്കാരി അഞ്ച് വയസ്സുള്ള കുട്ടിയുടെ സ്വർണ്ണ മാല മോഷ്ടിച്ചെന്ന് പരാതി. കുട്ടിയുടെ അമ്മ പ്രിയങ്ക മുഖർജിയാണ് പരാതി നൽകിയത്. സംഭവത്തെക്കുറിച്ച് അറിഞ്ഞുവെന്നും നിയമനടപടികളിൽ പൂർണ്ണ പിന്തുണയും സഹകരണവും നൽകുമെന്നും ഇൻഡിഗോ അറിയിച്ചു.

തിരുവനന്തപുരത്തുനിന്ന് ബെംഗളൂരുവിലേക്കുള്ള ഇൻഡിഗോയുടെ ഫ്ലൈറ്റ് 6ഇ 661-ൽ സഞ്ചരിക്കുകയായിരുന്നു പ്രിയങ്കയും മക്കളും. യാത്രക്കിടയിൽ ഫ്ലൈറ്റ് അറ്റൻഡന്റ് അദിതി അശ്വിനി ശർമ്മ കുട്ടിയെ വാഷ്റൂമിലേക്ക് കൊണ്ടുപോയിരുന്നു. തിരിച്ചെത്തിയപ്പോൾ കുട്ടിയുടെ കഴുത്തിലുണ്ടായിരുന്ന 2.5 പവൻ സ്വർണ്ണ മാല കാണാതായതായും പരാതിയിൽ പറയുന്നു. പരാതിയുടെ അടിസ്ഥാനത്തിൽ ഫ്ലൈറ്റ് അറ്റൻഡന്‍റായ അദിതി അശ്വിനി ശർമ്മയ്‌ക്കെതിരെ എഫ്‌ഐആർ രജിസ്റ്റർ ചെയ്ത് അന്വേഷണം ആരംഭിച്ചെന്ന് പൊലിസ് അറിയിച്ചു.

"തിരുവനന്തപുരത്ത് നിന്ന് ബെംഗളൂരുവിലേക്കുള്ള 6ഇ 661 വിമാനത്തിലെ ഒരു ജീവനക്കാരി ഉൾപ്പെട്ട ഒരു സമീപകാല സംഭവത്തെക്കുറിച്ച് ഞങ്ങളുടെ ഉപഭോക്താവ് ഉന്നയിച്ച പരാതിയെക്കുറിച്ച് ഞങ്ങൾക്ക് അറിയാം. അത്തരം കാര്യങ്ങൾ ഞങ്ങൾ വളരെ ഗൗരവമായി കാണുകയും, അന്വേഷണം നടത്തുന്നതിൽ ബന്ധപ്പെട്ട അധികാരികൾക്ക് പൂർണ്ണ പിന്തുണയും സഹകരണവും നൽകുകയും ചെയ്യും," ഇൻഡിഗോ പ്രസ്താവനയിൽ പറഞ്ഞു.

A passenger aboard an IndiGo flight from Thiruvananthapuram to Bengaluru has accused a flight attendant of stealing her five-year-old child’s gold chain. The airline has acknowledged the complaint and assured full cooperation with authorities in the investigation. Read more about the incident and IndiGo’s response.