വാടാനപ്പള്ളി: അത്തം ദിനമായ ഇന്ന് വാടാനപ്പള്ളി നടുവില്‍കര ബി.എസ്.എന്‍ ക്ലബ് നാടന്‍ വള്ളങ്ങളെ ഉള്‍പ്പെടുത്തി പുലത്തറക്കടവ് കനോലി കനാലില്‍ പ്രഥമ ജലോത്സവം സംഘടിപ്പിക്കുമെന്ന് ഭാരവാഹികള്‍ അറിയിച്ചു.
ഉച്ചതിരിഞ്ഞ് മൂന്നിന് സി.എന്‍ ജയദേവന്‍ എം.പി ജലോത്സവം ഉദ്ഘാടനം ചെയ്യും. മുരളി പെരുനെല്ലി എം.എല്‍.എ അധ്യക്ഷനാകും.
വാടാനപ്പള്ളി ഗ്രാമപഞ്ചായത്ത് പ്രസിഡന്റ് ഷിജിത്ത് വടക്കുംഞ്ചേരി മത്സരം ഫ്‌ളാഗ് ഓഫ് ചെയ്യും. വന്നേരി ചന്ദ്രശേഖരന്‍ മാസ്റ്റര്‍ മെമ്മോറിയല്‍ റോളിംഗ് ട്രോഫിക്ക് വേണ്ടി നടത്തുന്ന ജലോത്സവത്തില്‍ ഒന്‍പത് ക്ലബുകളെ പ്രതിനിധീകരിച്ചുള്ള വള്ളങ്ങളാണ് പങ്കെടുക്കുക.
വാടാനപ്പള്ളി എസ്.ഐ ഡി.ശ്രീജിത്ത് സമ്മാനദാനം നിര്‍വഹിക്കും. ബി.സി.എന്‍ രക്ഷാധികാരി ഗോപിദാസ് വന്നേരി, കെ.കെ ബിനേഷ്, പി.എസ് സുബിന്‍, കെ.ആര്‍ സജീഷ്, അഖില്‍ഷാജി എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.