അബൂദബി: യുഎഇയിൽ വീട്ടുജോലിക്കാരെ നിയമിക്കുന്ന പ്രക്രിയ ലളിതമാക്കുന്നതിനായി മാനവ വിഭവശേഷി, സ്വദേശിവൽക്കരണ മന്ത്രാലയം (MoHRE) പുതിയ നിയന്ത്രണങ്ങൾ പ്രഖ്യാപിച്ചിട്ടുണ്ട്. ഇതു പ്രകാരം തൊഴിലുടമകളുടെ നിരവധി ഉത്തരവാദിത്തങ്ങൾ ഇപ്പോൾ ലൈസൻസുള്ള റിക്രൂട്ട്മെന്റ് ഏജൻസികളിലേക്ക് മാറ്റിയിട്ടുണ്ട്. പ്രക്രിയകൾ ലളിതമാക്കുകയും സേവന നിലവാരം മെച്ചപ്പെടുത്തുകയും ചെയ്തുകൊണ്ട് തൊഴിലുടമകൾക്കും തൊഴിലാളികൾക്കും പിന്തുണ ഉറപ്പാക്കുകയാണ് ഈ പുതുക്കിയ നിയന്ത്രണങ്ങളുടെ ലക്ഷ്യം.

പുതുക്കിയ ചട്ടങ്ങൾ പ്രകാരം, മന്ത്രാലയത്തിന് അപേക്ഷകൾ സമർപ്പിക്കൽ, മെഡിക്കൽ പരിശോധനകളിൽ സഹായിക്കൽ, എമിറേറ്റ്സ് ഐഡി കാർഡുകൾ നൽകൽ തുടങ്ങി തൊഴിലുടമകൾക്ക് വേണ്ടി നിരവധി സേവനങ്ങൾ റിക്രൂട്ട്‌മെന്റ് ഏജൻസികൾ നൽകേണ്ടതുണ്ട്. വിമാനത്താവളത്തിൽ നിന്ന് വീട്ടുജോലിക്കാരെ സ്വീകരിക്കുകയും തൊഴിലുടമയുടെ വീട്ടിലേക്ക് സുരക്ഷിതമായി കൊണ്ടുപോകുകയും ചെയ്യണം, ജോലിക്ക് മുമ്പുള്ള ഇന്റർവ്യൂ, പരിശീലനം തുടങ്ങി വീട്ടുജോലിക്കാർക്ക് അനുയോജ്യമായ താമസസൗകര്യം ഒരുക്കൽ വരെ റിക്രൂട്ട്മെന്റ് ഏജൻസികളുടെ കർതവ്യമാണ്.  

ഈ സേവനങ്ങൾ ഏജൻസികൾ വ്യക്തമായി വിവരിക്കുകയും അവരുടെ പ്രവർത്തനങ്ങളുടെ പരിധിയിൽ ഉൾപ്പെടുത്തുകയും വേണം. പ്രത്യേകിച്ച്, വീട്ടുജോലിക്കാർക്കായുള്ള MoHRE നടപടിക്രമങ്ങളുമായി ബന്ധപ്പെട്ട പ്രിന്റിംഗ് സേവനങ്ങൾ നൽകുന്നതിന് ഏജൻസികൾക്ക് ഇപ്പോൾ ലൈസൻസ് ആവശ്യമാണ്. ബിസിനസ് ലൈസൻസിൽ "പ്രിന്റിംഗ് സേവനങ്ങൾ" എന്ന സേവനം ഉൾപ്പെടുത്താൻ റിക്രൂട്ട്മെന്റ് ഏജൻസികൾ ബന്ധപ്പെട്ട വകുപ്പുകളിൽ നിന്ന് അനുമതി നേടിയിരിക്കണം. അനുമതി ലഭിച്ചാൽ, ഈ സേവനം ചേർക്കുന്നതിനുള്ള ഔദ്യോഗിക അനുമതി കത്തുകൾ മന്ത്രാലയം നൽകും.

The UAE's Ministry of Human Resources and Emiratisation (MoHRE) has introduced streamlined regulations shifting key hiring responsibilities from employers to licensed agencies. The reforms cover application processing, medical exams, Emirates ID issuance, and worker onboarding to improve efficiency and transparency in domestic worker recruitment.