തിരുവനന്തപുരം: കേരള എസ്എസ്എൽസി (പത്താം ക്ലാസ്) പരീക്ഷാ ഫലം ഇന്ന് ഉച്ചയ്ക്ക് 3 മണിക്ക് വിദ്യാഭ്യാസ മന്ത്രി വി.ശിവൻകുട്ടി വാർത്താ സമ്മേളനത്തിൽ പ്രഖ്യാപിക്കും. കേരള പരീക്ഷാ ഭവൻ ഔദ്യോഗിക വെബ്‌സൈറ്റുകളായ keralaresults.nic.in, results.kite.kerala.gov.in, sslcexam.kerala.gov.in എന്നിവയിൽ ഫലം ലഭ്യമാകും. വിദ്യാർത്ഥികൾക്ക് അവരുടെ റോൾ നമ്പറും ജനനത്തീയതിയും ഉപയോഗിച്ച് ഫലം ഓൺലൈനായി പരിശോധിക്കാം. ഡിജിലോക്കർ, എസ്എംഎസ്, സഫലം ആപ്പ്, പിആർഡി ലൈവ് തുടങ്ങിയ പ്ലാറ്റ്‌ഫോമുകളിലും ഫലം ലഭിക്കും.

ഈ വർഷം 4,27,021 വിദ്യാർത്ഥികളാണ് എസ്എസ്എൽസി പരീക്ഷ എഴുതിയത്. ഇതിൽ 1,42,298 പേർ സർക്കാർ സ്കൂളുകളിൽ നിന്നും, 2,55,092 പേർ സർക്കാർ-എയ്ഡഡ് സ്കൂളുകളിൽ നിന്നും, 29,631 പേർ അൺഎയ്ഡഡ് സ്കൂളുകളിൽ നിന്നുമാണ്. ലക്ഷദ്വീപിൽ 447 വിദ്യാർത്ഥികളും ഗൾഫ് മേഖലയിൽ 682 വിദ്യാർത്ഥികളും പരീക്ഷ എഴുതിയിരുന്നു.

2025 മാർച്ച് 3 മുതൽ 26 വരെ സംസ്ഥാനത്തെ 2,964 കേന്ദ്രങ്ങളിലും, ലക്ഷദ്വീപിലെ 9 കേന്ദ്രങ്ങളിലും, ഗൾഫ് രാജ്യങ്ങളിലെ 7 കേന്ദ്രങ്ങളിലുമായാണ് പരീക്ഷ നടന്നത്. ഫലം സ്കൂൾ തിരിച്ചും പ്രസിദ്ധീകരിക്കും, ഇത് ഔദ്യോഗിക വെബ്‌സൈറ്റിൽ സ്കൂൾ കോഡ് ഉപയോഗിച്ച് ആക്സസ് ചെയ്യാം.

ഫലം പരിശോധിക്കാനുള്ള വെബ്‌സൈറ്റുകൾ
keralaresults.nic.in
results.kite.kerala.gov.in
sslcexam.kerala.gov.in
prd.kerala.gov.in
pareekshabhavan.kerala.gov.in

മറ്റ് പ്ലാറ്റ്‌ഫോമുകൾ:
സഫലം ആപ്പ്
പിആർഡി ലൈവ്
ഡിജിലോക്കർ