കോഴിക്കോട്: ഫറോക്കിൽ പതിനഞ്ചുകാരിയെ സുഹൃത്തുക്കൾ ചേർന്ന് പീഡിപ്പിച്ചു.  സമപ്രായക്കാരായ രണ്ട് സുഹൃത്തുക്കൾ ചേർന്നാണ് പെൺകുട്ടിയെ പീഡനത്തിനിരയാക്കിയതെന്നാണ് പരാതി. കൂടെയുണ്ടായിരുന്ന 11കാരൻ സംഭവത്തിന്റെ ദൃശ്യങ്ങൾ പകർത്തിയതായും വെളിപ്പെടുത്തലുണ്ട്. നല്ലളം പോലീസ് സ്റ്റേഷൻ പരിധിയിൽ ഒരാഴ്ച മുൻപുണ്ടായ ദുരന്തകരമായ സംഭവം കൗൺസിലിങ് സമയത്താണ് പെൺകുട്ടി അധികൃതരെ അറിയിച്ചത്.

നല്ലളം പോലീസ് ഉടൻ തന്നെ കേസ് രജിസ്റ്റർ ചെയ്ത് അന്വേഷണം ആരംഭിച്ചു. ആരോപണ വിധേയരായ വിദ്യാർഥികളുടെ രക്ഷിതാക്കൾക്ക് നോട്ടീസ് നൽകി, അവരോട് ചൊവ്വാഴ്ച സിഡബ്ല്യുസി മുൻപാകെ ഹാജരാകാൻ ആവശ്യപ്പെട്ടിട്ടുണ്ട്. സമൂഹത്തിൽ വലിയ പ്രതിഷേധം ഉയരുന്നതിനിടെ, അന്വേഷണം വേഗത്തിലാക്കി കുറ്റവാളികൾക്കെതിരെ കർശന നടപടി സ്വീകരിക്കുമെന്ന് പോലീസ് അധികൃതർ അറിയിച്ചു.