കൊച്ചി: നടന്‍ ഷൈന്‍ ടോം ചാക്കോയ്‌ക്കെതിരെ കേസെടുത്തതിനു പിന്നാലെ ലഹരി പരിശോധന സിനിമ സെറ്റുകളിലേക്കും വ്യാപിപ്പിക്കാന്‍ പൊലിസ് നീക്കം. ഇന്റലിജന്‍സ് വിവരങ്ങളുടെ അടിസ്ഥാനത്തിലാണ് സിനിമാ സെറ്റുകളില്‍ പൊലിസ് റെയ്ഡ് നടത്താനൊരുങ്ങുന്നത്. സിനിമയിലെ ലഹരി സംഘങ്ങളെ കുറിച്ചാണ് അന്വേഷണം.

ALSO READ: തീവ്രവലതുപക്ഷ ജൂതന്‍മാര്‍ അല്‍ അഖ്‌സ മസ്ജിദില്‍ സ്‌ഫോടനത്തിന് പദ്ധതിയിടുന്നതായി റിപ്പോര്‍ട്ട്, അഖ്‌സ തകര്‍ക്കുന്ന എഐ വീഡിയോ പ്രചരിപ്പിക്കുന്നു; അപലപിച്ച് ഖത്തര്‍

അതേസമയം, ചോദ്യംചെയ്യലില്‍ പരസ്പര വിരുദ്ധമായ മറുപടികളാണ് ഷൈന്‍ നല്‍കുന്നതെന്നാണ് വിവരം. എന്നാല്‍ ചോദ്യംചെയ്യലിന്റെ ലഹരി ഇടപാടോ ഉപയോഗമോ തനിക്കില്ലെന്ന്  പറഞ്ഞ നടന്‍  തുടര്‍ ചോദ്യംചെയ്യലില്‍ മറ്റിപ്പറഞ്ഞിരിക്കുകയാണ്. 32 ചോദ്യങ്ങളുടെ പട്ടികയായിരുന്നു പൊലിസ് തയ്യാറാക്കിയിരുന്നത്. ലഹരി ഉപയോഗം, ഇടപാടുകാരുമായുള്ള ബന്ധം, ഹോട്ടലില്‍നിന്ന് ഇറങ്ങിയോടിയത് എന്നിങ്ങനെ തുടങ്ങിയ ചോദ്യം ചെയ്യലില്‍ തനിക്ക് ലഹരിയുമായി ബന്ധമില്ലെന്ന് തന്നെയാണ് ഷൈന്‍ ആവര്‍ത്തിച്ച് പറഞ്ഞത്. കുറച്ചാളുകള്‍ വരുന്നുവെന്ന് വിവരം ലഭിച്ചപ്പോള്‍ ആക്രമിക്കാനെത്തുന്നതാണെന്നാണ് വിചാരിച്ചാണ് താന്‍ ഇറങ്ങി ഓടിയതെന്നും നടന്‍ വിശദീകരിച്ചു. ഹോട്ടലില്‍നിന്ന് ഇറങ്ങിയോടിയ ദിവസം കുപ്രസിദ്ധ ലഹരി ഇടപാടുകാരന് ഷൈന്‍ 20,000 രൂപ അയച്ചുകൊടുത്തതിനെക്കുറിച്ച ചോദ്യമാണ് ഷൈനിനെ പ്രതിരോധത്തിലാക്കിയത്. ഇതോടെയാണ് കേസെടുക്കാനുള്ള തുമ്പും പൊലിസിന് ലഭിച്ചെന്നും റിപ്പോര്‍ട്ടുകള്‍ വ്യക്തമാക്കുന്നു. 

ഹൈബ്രിഡ് കഞ്ചാവ് കേസില്‍ ആലപ്പുഴയില്‍ പിടിയിലായ തസ്‌ലീമയുമായി ബന്ധമുണ്ടെന്ന് ഷൈന്‍ സമ്മതിച്ചതായും സൂചനയുണ്ട്. ഷൈന്‍ ഉള്‍പ്പെടെയുള്ളവര്‍ക്ക് ലഹരി നല്‍കിയെന്ന് നേരത്തെ തസ്‌ലീമ മൊഴി നല്‍കിയിരുന്നു. 

അതേസമയം, ഷൈന്‍ ടോം ചാക്കോയുടെ വൈദ്യ പരിശോധന ഫലങ്ങള്‍ ലഭിക്കുന്നത് വൈകുമെന്നാണ് വിവരം. ഷൈനില്‍ നിന്നും ശേഖരിച്ച സാംപിളുകള്‍ കോടതിയിലേക്കും ഫോറന്‍സിക് സയന്‍സ് ലാബിലേക്കും അയക്കും. എന്നാല്‍ പരിശോധന ഫലം ലഭിക്കാന്‍ മാസങ്ങളെടുക്കുമെന്നാണ് സൂചന.

Actor Shine Tom Chacko is under investigation following a drug case, prompting Kerala Police to plan raids on film sets based on intelligence inputs. Contradictory statements and alleged links with known drug peddlers raise further suspicion as forensic results are awaited.