ഷാര്‍ജ: ഷാര്‍ജയില്‍ ഇന്ത്യന്‍ യുവതി തന്റെ രണ്ട് വയസ്സുള്ള കുഞ്ഞുമായി കെട്ടിടത്തില്‍ നിന്ന് ചാടി ആത്മഹത്യ ചെയ്തു. ശനിയാഴ്ച വൈകീട്ട് 4.30 ഓടെയായിരുന്നു സംഭവം. യുവതി താമസിക്കുന്ന അപ്പാര്‍ട്ട്‌മെന്റിന്റെ 17ാം നിലയിലെ ബാല്‍ക്കണിയില്‍ നിന്നാണ് താഴേക്ക് ചാടിയത്. 33 വയസുകാരിയായ യുവതി സംഭവ സ്ഥലത്ത് തന്നെ മരിച്ചു. ഗുരുതരമായി പരുക്കേറ്റ കുഞ്ഞിനെ ആശുപത്രിയിലേക്ക് മാറ്റിയെങ്കിലും കുറച്ച് മണിക്കൂറുകള്‍ക്ക് ശേഷം കുഞ്ഞ് മരിച്ചു. ഇവരുടെ ഭര്‍ത്താവ് അപ്പാര്‍ട്ട്‌മെന്റില്‍ ഉറങ്ങിക്കൊണ്ടിരിക്കെയാണ് യുവതി ആത്മഹത്യ ചെയ്തതെന്ന് പൊലിസ് വ്യക്തമാക്കി. 

സംഭവത്തെക്കുറിച്ച് പൊലിസ് ഓപ്പറേഷന്‍ റൂമില്‍ വിവരം ലഭിച്ചയുടന്‍, ബുഹൈറ പൊലിസ് സ്റ്റേഷന്റെ സിഐഡി ടീം, ഫോറന്‍സിക് സംഘം, ആംബുലന്‍സ് എന്നിവര്‍ സംഭവസ്ഥലത്തെത്തി തുടര്‍നടപടികള്‍ ആരംഭിച്ചു. മൃതദേഹങ്ങള്‍ പോസ്റ്റ്‌മോര്‍ട്ടത്തിനായി ഫോറന്‍സിക് ലാബോറട്ടറിയിലേക്ക് മാറ്റി. സംഭവം ആത്മഹത്യയാണെന്ന് സ്ഥിരീകരിച്ചെങ്കിലും, ഇതിന് പിന്നിലെ കാരണം വ്യക്തമല്ല. വിശദമായ അന്വേഷണത്തിനായി കേസ് പബ്ലിക് പ്രോസിക്യൂഷന് കൈമാറിയിട്ടുണ്ട്.

In a heartbreaking incident in Sharjah, a young Indian woman committed suicide by jumping from a high-rise building with her 2-year-old child. The tragic event occurred on Saturday evening from the 17th-floor balcony of their apartment.