കൊച്ചി: 'ഞങ്ങൾ വിനോദത്തിലേർപ്പെട്ടിരിക്കെയാണ് ഒരു ശബ്ദം കേൾക്കുന്നത്. എന്താണെന്ന് ആദ്യം മനസിലായില്ല. ശബ്ദംകേട്ട് തിരിഞ്ഞുനോക്കുമ്പോഴാണ് ദുരെ നിന്ന് ഒരാൾ വെടിവയ്ക്കുന്നതു കണ്ടത്. ഭീകരാക്രമണമാണെന്ന് മനസിലാക്കിയതോടെ ഞാൻ എല്ലാവരോടും നിലത്തുകിടക്കാൻ ആവശ്യപ്പെട്ടു. പിന്നീട് ഓടിരക്ഷപ്പെടാൻ ശ്രമിക്കവേ തോക്കുമായി ഭീകരൻ ഞങ്ങളുടെ മുന്നിലേക്കു വന്നു'......തന്റെ പിതാവ് രാമചന്ദ്രൻ അടക്കം 26പേരെ വെടിവച്ചുകൊന്ന പഹൽഗാം ഭീകരാക്രമണത്തിന്റെ നടുക്കുന്ന വിവരങ്ങൾ ആരതി പറഞ്ഞു തുടങ്ങിയപ്പോൾ മുഖത്ത് വിങ്ങലിനൊപ്പം നടുക്കവും.

കൺമുന്നിൽവച്ചാണ് അച്ഛനെ വെടിവച്ചുകൊന്നത്. ഭീകരൻ എല്ലാവരോടും കിടക്കാൻ ആവശ്യപ്പെട്ടു. എന്തോ ചോദിക്കുകയും വെടിവയ്ക്കുകയും ചെയ്യുന്നുണ്ടായിരുന്നു. പേടിച്ചുവിറച്ച് കിടക്കുന്നതിനാൽ ചോദിക്കുന്നത് എന്തെന്നു മനസിലായില്ല. മനസിലായില്ല എന്ന് അച്ഛൻ മറുപടി നൽകിയപ്പോഴേക്കും വെടിവച്ചു കഴിഞ്ഞിരുന്നു. തന്റെ തലയിലും തോക്കുകൊണ്ടു കുത്തി. മക്കൾ കരയുന്നതുകണ്ടായിരിക്കാം വെറുതെവിട്ടത്. അച്ഛൻ മരിച്ചു എന്നു മനസിലായി. കെട്ടി പിടിച്ച് കരയാൻ മാത്രമേ കഴിഞ്ഞൊള്ളു. എങ്ങനെയോ കാട്ടിലൂടെ ഓടിരക്ഷപ്പെട്ടു. അരമണിക്കൂർ കഴിഞ്ഞാണ് ഫോണിന് റേഞ്ച് കിട്ടിയത്. തുടർന്ന് സൈന്യവും നാട്ടുകാരും ചേർന്ന് രക്ഷപ്പെടുത്തിയെന്നും ആരതി പറഞ്ഞു.

ഹൃദ്രോഗിയായ അമ്മ ഷീലയെ ഹോട്ടൽ മുറിയിലിരുത്തിയശേഷമാണ് പുറത്തിറങ്ങിയത്. വെടിയേറ്റ് അച്ഛൻ മരിച്ചുവിണവിവരം അമ്മയെ അറിയിക്കാതെ ആരതി പിടിച്ചു നിൽ ക്കുകയായിരുന്നു. അച്ഛന്റെ മൃതദേഹം തിരിച്ചറിയാനും പോസ്റ്റ്മോർട്ടത്തിനും പിന്നീട് മരണസർട്ടിഫിക്കറ്റ് വാങ്ങാനുമൊക്കെ പോയതും ആരതി തന്നെയാണ്. പിതാവ് എൻ. രാമചന്ദ്രൻ, മാതാവ് ഷീല, എട്ടു വയസുള്ള ഇരട്ടക്കുട്ടികളായ കേദാർ, ദ്രുപദ് എന്നിവർ ക്കൊപ്പമാണ് ആരതി കശ്മിരിലെത്തിയത്.

Gunmen in front of eyes The shock of the Pahalgam terror attack still lingers Arati