കൊൽക്കത്ത: ഐപിഎല്ലിൽ പഞ്ചാബ് കൊൽക്കത്ത നൈറ്റ് റൈഡേഴ്സിന് 202 റൺസ് വിജയലക്ഷ്യം. കൊൽക്കത്തയുടെ തട്ടകമായ ഈഡൻ ഗാർഡനിൽ നടക്കുന്ന മത്സരത്തിൽ ടോസ് നേടിയ പഞ്ചാബ് കിംഗ്സ് ക്യാപ്റ്റൻ ശ്രേയസ് അയ്യർ ബാറ്റിംഗ് തെരഞ്ഞെടുക്കുകയായിരുന്നു. 

മത്സരത്തിൽ ഒരു തകർപ്പൻ റെക്കോർഡ് ആണ് കൊൽക്കത്ത താരം ആന്ദ്ര റസൽ സ്വന്തമാക്കിയത്. മത്സരത്തിൽ മൂന്ന് ഓവറിൽ 27 റൺസ് വഴങ്ങി ഒരു വിക്കറ്റ് ആണ് താരം സ്വന്തമാക്കിയത്. തന്റെ ആദ്യ ഓവറിൽ തന്നെ റസൽ വിക്കറ്റ് നേടി തിളങ്ങുകയായിരുന്നു. ഇതോടെ ഐപിഎല്ലിന്റെ ചരിത്രത്തിൽ ആദ്യ ഓവറിൽ തന്നെ ഏറ്റവും കൂടുതൽ വിക്കറ്റുകൾ നേടുന്ന താരങ്ങളുടെ പട്ടികയിൽ രണ്ടാം സ്ഥാനത്തേക്ക് മുന്നേറാനും റസലിന് സാധിച്ചു.

ഐപിഎല്ലിൽ 46 വിക്കറ്റുകളാണ് താരം ആദ്യ ഓവറുകളിൽ നേടിയിട്ടുള്ളത്. 45 വിക്കറ്റുകൾ നേടിയ ചെന്നൈ സൂപ്പർ കിങ്സ് താരം ആർ അശ്വിനെ മറികടന്നുകൊണ്ടാണ് കൊൽക്കത്ത താരം രണ്ടാം സ്ഥാനം സ്വന്തമാക്കിയത്. 48 വിക്കറ്റുകൾ നേടിയ പിയൂഷ്‌ ചൗളയാണ് ഈ പട്ടികയിൽ ഒന്നാം സ്ഥാനത്തുള്ളത്. മത്സരത്തിൽ റസലിന് പുറമേ വൈഭവ് അരോര രണ്ട് വിക്കറ്റുകളും വരുൺ ചക്രവർത്തി ഒരു വിക്കറ്റും കൊൽക്കത്തക്കായി നേടി.

 പഞ്ചാബിനായി ഓപ്പണർമാരായ പ്രഭ്സിമ്രാൻ സിംഗ്, പ്രിയാൻഷ് ആര്യ എന്നിവർ അർദ്ധ സെഞ്ച്വറി നേടി മികച്ചു നിന്നു. 49 പന്തിൽ ആറു വീതം ഫോറുകളും സിക്സുകളും ഉൾപ്പെടെ 83 റൺസ് ആണ് പ്രഭ്സിമ്രാൻ അടിച്ചെടുത്തത്. മറുഭാഗത്ത് 35 പന്തിൽ 69 റൺസ് ആണ് പ്രിയാൻഷ് സ്വന്തമാക്കിയത്. എട്ട് ഫോറുകളും നാല് സിക്സുമാണ് താരം നേടിയത്. 

Andre Russel Create a Great Record in IPL