കൊൽക്കത്ത: ഐപിഎല്ലിൽ പഞ്ചാബ് കിങ്‌സ്-കൊൽക്കത്ത നൈറ്റ് റൈഡേഴ്‌സ് മത്സരം മഴമൂലം ഉപേക്ഷിച്ചു. കൊൽക്കത്ത ഈഡൻ ഗാർഡനിൽ നടന്ന മത്സരത്തിൽ പഞ്ചാബ് ഉയർത്തിയ 201 റൺസ്  വിജയലക്ഷ്യം പിന്തുടർന്നിറങ്ങിയ കൊൽക്കതെയിട്ട് ഇന്നിംഗ്സ് ഒരു ഓവർ പിന്നിട്ടപ്പോഴേക്കും മഴ വില്ലനായി എത്തുകയായിരുന്നു. കൊൽക്കത്ത സ്കോർ ഏഴ് വിക്കറ്റിൽ നിൽക്കെയാണ് മഴയെത്തിയത്. കളി വീണ്ടും പുനരാംഭിക്കാൻ കഴിയാതെ മഴ തകർത്തു പെയ്തപ്പോൾ മത്സരം പൂർണമായും ഒഴിവാക്കുകയായിരുന്നു. ഇരു ടീമുകളും ഓരോ പോയിന്റ് വീതം ലഭിക്കുകയും ചെയ്തു. 

നിലവിൽ പോയിന്റ് പട്ടികയിൽ 11 പോയിന്റുമായി പഞ്ചാബ് നാലാം സ്ഥാനത്താണ്. ഏഴ് പോയിന്റോടെ കൊൽക്കത്ത ഏഴാം സ്ഥാനത്തുമാണ്. ഏപ്രിൽ 30ന് ചെന്നൈ സൂപ്പർ കിങ്സിനെതിരെയാണ് പഞ്ചാബിന്റെ അടുത്ത മത്സരം. ഏപ്രിൽ 29ന് നടക്കുന്ന മത്സരത്തിൽ ഡൽഹി ക്യാപ്പിറ്റൽസിനെയാണ് കൊൽക്കത്ത നേരിടുക. 

മത്സരത്തിൽ ആദ്യം ബാറ്റ് ചെയ്ത പഞ്ചാബ് നാല് വിക്കറ്റ് നഷ്ടത്തിലാണ്‌ 204 റൺസ് നേടിയത്.  പഞ്ചാബിനായി ഓപ്പണർമാരായ പ്രഭ്സിമ്രാൻ സിംഗ്, പ്രിയാൻഷ് ആര്യ എന്നിവർ അർദ്ധ സെഞ്ച്വറി നേടി മികച്ചു നിന്നു. 49 പന്തിൽ ആറു വീതം ഫോറുകളും സിക്സുകളും ഉൾപ്പെടെ 83 റൺസ് ആണ് പ്രഭ്സിമ്രാൻ അടിച്ചെടുത്തത്. മറുഭാഗത്ത് 35 പന്തിൽ 69 റൺസ് ആണ് പ്രിയാൻഷ് സ്വന്തമാക്കിയത്. എട്ട് ഫോറുകളും നാല് സിക്സുമാണ് താരം നേടിയത്. 

കൊൽക്കത്തയുട ബൗളിങ്ങിൽ വൈഭവ് അരോര രണ്ട് വിക്കറ്റുകളും വരുൺ ചക്രവർത്തി, ആന്ദ്രേ റസൽ എന്നിവർ ഓരോ വിക്കറ്റ് വീതവും നേടി. 

Punjab Kings-Kolkata Knight Riders match in IPL abandoned due to rain