ലഖ്‌നൗ: ഉത്തർപ്രദേശിൽ ഞെട്ടിക്കുന്ന സംഭവം. 50 വയസ്സുള്ള ഇന്ദ്രാവതി എന്ന സ്ത്രീ തന്റെ 30 വയസ്സുള്ള ചെറുമകൻ ആസാദിനെ വിവാഹം കഴിച്ചു. ഭർത്താവിനെയും മക്കളെയും വിഷം നൽകി കൊല്ലാൻ പദ്ധതിയിട്ടിരുന്നതായും റിപ്പോർട്ടുകൾ. രണ്ട് ആൺമക്കളും രണ്ട് പെൺമക്കളും ഉള്ള ഇന്ദ്രാവതി, കുടുംബത്തെ ഉപേക്ഷിച്ചാണ് ആസാദിനൊപ്പം ഒളിച്ചോടി ക്ഷേത്രത്തിൽ വിവാഹം ചെയ്തത്.

അംബേദ്കർ നഗറിൽ അടുത്തടുത്ത് താമസിച്ചിരുന്ന ഇരുവരും ഏറെനാളായി പ്രണയത്തിലായിരുന്നു. ചെറുമകൻ എന്ന നിലയിൽ ആരും ഇവരുടെ ബന്ധത്തിൽ സംശയം തോന്നിയിരുന്നില്ല. എന്നാൽ, ഒളിച്ചോടുന്നതിന് നാല് ദിവസം മുമ്പ് രഹസ്യമായി സംസാരിക്കുന്നത് കണ്ട ഇന്ദ്രാവതിയുടെ ഭർത്താവ് ചന്ദ്രശേഖറിന് സംശയം തോന്നി. ബന്ധത്തെ ശക്തമായി എതിർത്തെങ്കിലും ഇരുവരും പിന്മാറിയില്ല.

ചന്ദ്രശേഖറിന്റെ രണ്ടാമത്തെ ഭാര്യയാണ് ഇന്ദ്രാവതി. ജോലിക്കായുള്ള ഇടയ്ക്കിടെയുള്ള യാത്രകൾ ഇവരുടെ ദാമ്പത്യബന്ധം മോശമാകാൻ കാരണമായതായി ചന്ദ്രശേഖർ പറയുന്നു. ബന്ധം രഹസ്യമായി തുടർന്ന ഇന്ദ്രാവതിയും ആസാദും ഒടുവിൽ ഒളിച്ചോടി, സിന്ദൂരം അണിഞ്ഞ് അഗ്നിക്ക് വലംവെച്ച് വിവാഹം നടത്തിയതാണ് റിപ്പോർട്ട്.

ഭർത്താവിനെയും മക്കളെയും കൊല്ലാൻ വിഷം നൽകാൻ പദ്ധതിയിട്ടിരുന്നതായി പൊലീസ് വെളിപ്പെടുത്തി. നിരാശനായ ചന്ദ്രശേഖർ പൊലീസിൽ പരാതി നൽകിയെങ്കിലും ഇരുവരും ഇപ്പോൾ ഒളിവിലാണ്. സംഭവം പ്രദേശത്ത് വലിയ ചർച്ചയായി മാറിയിരിക്കുകയാണ്.