ഭക്ഷണ സാധനങ്ങള്‍ അടുക്കളയില്‍ സൂക്ഷിക്കുന്നത് നല്ലതൊക്കെയാണ്. എന്നാല്‍ ചിലതരം ഭക്ഷണങ്ങള്‍ക്ക് വെളിച്ചവും ഈര്‍പ്പവും ഏല്‍ക്കുന്നത് അത്ര നല്ലതല്ല. അവ ഏതൊക്കെയാണെന്ന് അറിയാം.

ഭക്ഷണസാധനങ്ങള്‍ കേടുവരാതെ സൂക്ഷിക്കേണ്ടത് അത്യാവശ്യമാണ്. നമ്മള്‍ അറിഞ്ഞോ അറിയാതെയോ ചെയ്യുന്ന കുഞ്ഞു അബദ്ദങ്ങള്‍ ഒഴിവാക്കിയാല്‍ ഭക്ഷ്യ വിഷബാധയേറ്റുണ്ടാകുന്ന രോഗങ്ങളില്‍ നിന്നും സുരക്ഷിതരാവാം. 

ഡ്രൈഫ്രൂട്‌സ് 

തുറന്ന സ്ഥലങ്ങളില്‍ നട്‌സുകളും ഡ്രൈഫ്രൂട്ട്‌സുകളുമൊന്നും സൂക്ഷിക്കാതിരിക്കുക. കാരണം ഈര്‍പ്പവും വെളിച്ചവും തട്ടിയാല്‍ ഇതിലടങ്ങിയിരിക്കുന്ന ഗുണങ്ങളെല്ലാം നഷ്ടമായേക്കും.

ഉപ്പിലിട്ടവ

ഉപ്പിലിട്ട സാധനങ്ങള്‍ വെളിച്ചത്തു വയ്ക്കുമ്പോള്‍ ഇവയിലെ പോഷകമൂല്യങ്ങള്‍ നശിപ്പിക്കും. 

ഉപ്പ്

ഉപ്പ് തുറന്നു വയ്ക്കുകയോ തുറസായ സ്ഥലത്തു വയ്ക്കുകയോ ചെയ്താല്‍ കട്ടയായി വരുന്നതാണ്.

തക്കാളി

തുറന്ന സ്ഥലത്ത് തക്കാളി വച്ചാല്‍ പെട്ടെന്ന് കേടായിപ്പോവാനും പഴുക്കാനും സധ്യതയുണ്ട്. അധികം വെളിച്ചമില്ലാത്ത സ്ഥലങ്ങളില്‍ അല്ലെങ്കില്‍ ഫ്രിഡ്ജില്‍ തന്നെ സൂക്ഷിക്കാവുന്നതാണ്. 

മുട്ട

മുട്ടയും തുറന്ന സ്ഥലങ്ങളില്‍ വയ്ക്കാതിരിക്കുക. അടുക്കളയില്‍ പലതരത്തിലുള്ള ഉപകരണങ്ങള്‍ പ്രവര്‍ത്തിപ്പിക്കാറുണ്ട്. അതുകൊണ്ട് തന്നെ അടുക്കളയില്‍ ചൂട് ഉണ്ടാവുന്നതാണ്. ചൂട് കൂടുമ്പോള്‍ ബാക്ടീരിയകളും പെരുകുന്നു. ഇത് മുട്ട കേടുവരാന്‍ കാരണമാവുന്നു. 

ബ്രഡ്

അടുക്കളയില്‍ എപ്പോഴും ഈര്‍പ്പമുണ്ടാവാറുണ്ട്. അതുകൊണ്ട് തന്നെ ബ്രഡ് പോലുള്ള ഭക്ഷണസാധനങ്ങളൊക്കെ അടുക്കളയല്‍ സൂക്ഷിച്ചാല്‍ അവ ഉണങ്ങിപ്പോവാനും പൂപ്പലുണ്ടാവാനും കാരണമാകുന്നു. 

സവാള- ഉരുളക്കിഴങ്ങ്

മറ്റുള്ള പച്ചക്കറികള്‍കൊപ്പം സവാളയും ഉരുളക്കിഴങ്ങും സൂക്ഷിക്കാതിരിക്കാന്‍ ശ്രദ്ധിക്കണം. അധിക ദിവസം ഇങ്ങനെ വയ്ക്കുമ്പോള്‍ അത് പെട്ടെന്നും മുളക്കാനും കേടുവരാനുമുള്ള സാധ്യത ഏറുന്നു.
തുറന്ന സ്ഥലങ്ങളില്‍ വെളിച്ചമുള്ളിടത്ത് ഉരുളക്കിഴങ്ങു വച്ചാല്‍ കേടുവരാനുള്ള സാധ്യത വളരെ കൂടുതലാണ്. ഇത് ഉരുളക്കിഴങ്ങ് പെട്ടെന്നു തന്നെ മുളക്കാന്‍ കാരണമാവുന്നു.