സാബൂനരി(ചവ്വരി) അധികവീടുകളിലും അടുക്കളയിലുണ്ടാകുന്ന ഒന്നാണ് . വൈകുന്നേരം പായസമായും അല്ലാതെയുമൊക്കെ പലവിഭവങ്ങളും ഉണ്ടാക്കാറുമുണ്ട്. എന്നാല്‍ അഞ്ചു മിനിറ്റു കൊണ്ട് ഇതുവച്ചൊരു അടിപൊളി രുചിയുള്ള പുഡിങ് ഉണ്ടാക്കി നോക്കൂ... സൂപ്പറായിരിക്കും.

ചേരുവകള്‍

സാബൂനരി(ചവ്വരി)- ഒരു കപ്പ്
മാങ്ങ (പഴുത്തത്) രണ്ടെണ്ണം
തേങ്ങാപാല്‍- ഒന്നര  കപ്പ്
കണ്ടന്‍സ്ഡ് മില്‍ക്ക് - മധുരത്തിനനുസരിച്ച്
മാങ്ങ കഷണങ്ങളാക്കിയത്, നട്‌സ് പൊടിച്ചെടുത്തത്

സാബൂനരി (ചവ്വരി) നന്നായി കഴുകി വേവിച്ചെടുക്കുക. ഒരു പാത്രത്തിലേക്ക് വേവിച്ച ചൗവരിയും പഴുത്ത മാങ്ങയുടെ പള്‍പ്പും തേങ്ങാപാലും കണ്ടന്‍സ്ഡ് മില്‍ക്കും ഒഴിച്ച് നന്നായി മിക്‌സ് ചെയ്യുക. ഇത് ഫ്രിഡ്ജില്‍ വച്ച് തണുപ്പിച്ചതിനു ശേഷം ഗ്ലാസിലേക്ക് ഒഴിക്കുക. ഇതിനു മുകളിലായി കുറച്ച് മാങ്ങയുടെ കഷണങ്ങളും നട്‌സും ചേര്‍ക്കുക. ഇനി കുടിച്ചു നോക്കിയേ സൂപ്പര്‍ ടേസ്റ്റ്.