സഊദി അറേബ്യയിലെ ഏറ്റവും പ്രധാന ടൂറിസ്റ്റ് കേന്ദ്രങ്ങളിലൊന്നായ അല്‍ ബഹയില്‍ മഴയും തണുപ്പും നിറഞ്ഞ കാലാവസ്ഥ ജനക്കൂട്ടത്തെ ആകര്‍ഷിക്കുകയാണ്.

 

സഊദി അറേബ്യയുടെ തെക്കുപടിഞ്ഞാറന്‍ ഭാഗത്തുള്ള സരാവത് പര്‍വതനിരകളില്‍ സ്ഥിതി ചെയ്യുന്ന നഗരമാണ് അല്‍ബഹാ. 

 

അല്‍ബഹാ പ്രവിശ്യയുടെ തലസ്ഥാനമായ ഇത്, രാജ്യത്തിന്റെ പ്രധാന വിനോദസഞ്ചാര കേന്ദ്രങ്ങളില്‍ ഒന്നാണ്.

 

 വാരാന്ത്യം ചെലവഴിക്കാനായി ആയിരങ്ങളാണ് ഇവിടേക്ക് എത്തിയത്.

 

സുഖകരമായ കാലാവസ്ഥയാണ് ഇവിടെ അനുഭവപ്പെടുന്നത്, റഗ്ദാന്‍, അല്‍സറാഇബ്, ബൈദാന്‍ എന്നിവയുള്‍പ്പെടെ നാല്‍പ്പതിലധികം വനങ്ങളാല്‍ ഈ നഗരം ചുറ്റപ്പെട്ടിരിക്കുന്നു. 

 

ഇതിന്റെ ചിത്രങ്ങള്‍ സോഷ്യല്‍മീഡിയകളിലും വൈറലായിട്ടുണ്ട്. 

സഊദിയുടെ ഔദ്യോഗിക വാര്‍ത്താ ഏജന്‍സി എസ്പിഎയും ഇതിന്റെ ചിത്രങ്ങള്‍ പങ്കുവച്ചു.

ഗവര്‍ണറുടെയും തദ്ദേശീയ കൗണ്‍സിലുകളുടെയും സര്‍ക്കാര്‍ വകുപ്പുകളുടെ ശാഖകളുടെയും ആസ്ഥാനമാണ് അല്‍ബഹാ.

ചൊവ്വാഴ്ച വരെ ഈ കാലാവസ്ഥ തുടരുമെന്ന് നാഷണല്‍ സെന്റര്‍ ഫോര്‍ മെറ്റീരിയോളജി പ്രവചിച്ചു.

വര്‍ദ്ധിച്ചുവരുന്ന സന്ദര്‍ശകരുടെ എണ്ണം കണക്കിലെടുത്ത് സുരക്ഷാ, സേവന ഏജന്‍സികള്‍ മതിയായ ഒരുക്കങ്ങള്‍ നടത്തിയിട്ടുണ്ട്.

Rainy, cool weather draws crowds to Saudi Arabia's Al Baha during long weekend