ദുബൈ: നഷ്ടത്തിലേക്ക് കൂപ്പ് കുത്തിയതോടെ കുവൈത്തിലേക്ക് സര്‍വീസ് ്‌വസാനിപ്പിച്ച് 14 അന്താരാഷ്ട്ര കമ്പനികള്‍. ആറു പതിറ്റാണ്ടിലധികം കാലമായി കുവൈത്തിലേക്ക് സര്‍വീസ് നടത്തിയിരുന്ന ബ്രിട്ടീഷ് എയര്‍വേയ്‌സ് രണ്ടുമാസം മുമ്പ് കുവൈത്തിലേക്ക് പ്രതിദിന സര്‍വീസ് അവസാനിപ്പിച്ചിരുന്നു. 

കഴിഞ്ഞ വര്‍ഷം ജര്‍മനിയുടെ ലുഫ്താന്‍സയും നെതര്‍ലന്റിന്റെ കെഎല്‍എമ്മും കുവൈത്തിലേക്കുള്ള സര്‍വിസ് നിര്‍ത്തിയിരുന്നു. കഴിഞ്ഞ കുറച്ചു മാസങ്ങള്‍ക്കിടയില്‍ പതിനാലു അന്താരാഷ്ട്ര വിമാനക്കമ്പനികളാണ് ഇത്തരത്തില്‍ കുവൈത്തിലേക്കുള്ള സര്‍വീസ് അവസാനിപ്പിച്ചത്. 

കുവൈത്തിലേക്കുള്ള സര്‍വീസുകളില്‍ സാമ്പത്തികമായി പിന്നോക്കം പോകുന്നതിനാലാണ് വിമാനക്കമ്പനികള്‍ രാജ്യത്തേക്കുള്ള പ്രവര്‍ത്തനം നിര്‍ത്തിവയ്ക്കാന്‍ നിര്‍ബന്ധിതരായത്.

വര്‍ധിച്ചുവരുന്ന ജെറ്റ് ഇന്ധന വിലയും ഗള്‍ഫ് മേഖലയിലെ വ്യോമയാന ഭീമന്മാരില്‍ നിന്നുള്ള കടുത്ത മത്സരവും വിമാനത്താവള അടിസ്ഥാന സൗകര്യങ്ങളിലും യാത്രാ സേവനങ്ങളിലും നിലനില്‍ക്കുന്ന പോരായ്മകളുമാണ് അന്താരാഷ്ട്ര വിമാനക്കമ്പനികളെ കുവൈത്തില്‍ നിന്നും അകറ്റിയതെന്നാണ് വ്യോമയാന മേഖലയിലെ വിഗദ്ധര്‍ പറയുന്നത്.

ഈ വെല്ലുവിളികള്‍ ആഗോള വിമാനക്കമ്പനികള്‍ക്ക് കുവൈത്തിനോടുള്ള ആകര്‍ഷണം കുറച്ചതായി നിരീക്ഷകര്‍ പറയുന്നു.

കുവൈറ്റ് അന്താരാഷ്ട്ര വിമാനത്താവളത്തിലെ യാത്രക്കാരുടെ എണ്ണത്തില്‍ 2024ല്‍ ഒരു ശതമാനം കുറവ് രേഖപ്പെടുത്തിയിരുന്നു. 2023ല്‍ വിമാനത്താവളം വഴി സഞ്ചരിച്ചത് 15.6 ദശലക്ഷം യാത്രക്കാര്‍ ആയിരുന്നുവെങ്കില്‍ കഴിഞ്ഞ വര്‍ഷമിത് 15.4 ദശലക്ഷമായി കുറഞ്ഞിരുന്നു.

അതേസമയം ഇതിനു നേരെ വിപരീതമാണ് യുഎഇയിലെയും സഊദിയിലെയും കാര്യം. യാത്രക്കാരുടെ കാര്യത്തില്‍ ദുബൈ അന്താരാഷ്ട്ര വിമാനത്താവളം 5.7 ശതമാനം വര്‍ധിച്ച് 92.3 ദശലക്ഷത്തില്‍ എത്തി. ദോഹ വിമാനത്താവളം 14.8 ശതമാനം വര്‍ധിച്ച് 52.7 ദശലക്ഷമായി. 17.8 ശതമാനം വര്‍ധിച്ച് 37.6 ദശലക്ഷം യാത്രക്കാരെ സ്വീകരിച്ച റിയാദും ശക്തമായ വളര്‍ച്ചയാണ് കൈവരിച്ചിരിക്കുന്നത്. 

In a shift reshaping regional aviation, Gulf airlines strengthen their market hold while 14 international carriers suspend flights to Kuwait. The move highlights growing dominance of Gulf carriers and changing dynamics in the Middle East aviation sector.