ന്യൂഡല്‍ഹി: ഇസ്‌റാഈലിലെ ബെന്‍ ഗുരിയോണ്‍ വിമാനത്താവളത്തില്‍ നടന്ന ഹൂതി മിസൈല്‍ ആക്രമണത്തിന്റെ പശ്ചാതലത്തില്‍ ടെല്‍ അവീവ് വിമാന സര്‍വിസുകള്‍ താത്കാലികമായി നിര്‍ത്തി വച്ച് എയര്‍ ഇന്ത്യ. യാത്രക്കാരുടെയും സ്റ്റാഫിന്റെയും സുരക്ഷ പരിഗണിച്ചാണ് തീരുമാനമെന്ന് എയര്‍ ഇന്ത്യ പ്രസ്താവനയില്‍ വ്യക്തമാക്കി. ഇന്ന് ഡല്‍ഹിയില്‍ നിന്ന് ടെല്‍ അവിവിലേക്ക് പറന്ന എയര്‍ ഇന്ത്യ വിമാനം അബൂദബിയിലേക്ക് തിരിച്ചുവിട്ടു. മേയ് ആറ് വരെ ടെല്‍ അവീവ് റൂട്ടിലെ എല്ലാ വിമാനങ്ങളും റദ്ദാക്കിയിട്ടുണ്ടെന്നും കമ്പനി വ്യക്തമാക്കി.

ഇന്ന് ഡല്‍ഹിയില്‍ നിന്ന് പുറപ്പെട്ട എയര്‍ ഇന്ത്യയുടെ എഐ139 വിമാനം ടെല്‍ അവീവ് എത്തുന്നതിന് ഒരു മണിക്കൂര്‍ മുമ്പായിരുന്നു മിസൈല്‍ ആക്രമണം നടന്നത്. ഈ സംഭവത്തിന് ശേഷം ജോര്‍ദാന്‍ വ്യോമപാതയിലൂടെയാണ് വിമാനം തിരിച്ച് പറന്നത്.

Air India has temporarily suspended its flights to Tel Aviv due to security concerns following a Houthi missile attack at Ben Gurion Airport in Israel. The decision was made to ensure the safety of passengers and staff. Flights scheduled to Tel Aviv have been canceled or rerouted, with the airline closely monitoring the situation.