ലക്‌നൗ: യുപിയിലെ സര്‍ക്കാര്‍ ഓഫീസുകളില്‍ ചാണകത്തില്‍ നിന്ന് ഉല്‍പാദിപ്പിക്കുന്ന പെയിന്റ് ഉപയോഗിക്കണമെന്ന് മുഖ്യമന്ത്രി യോഗി ആദിത്യനാഥ്. ക്ഷീരവികസ വകുപ്പിന്റെ അവലോകന യോഗത്തിലാണ് യോഗിയുടെ നിര്‍ദേശം. ക്ഷീരമേഖലയെ ശക്തിപ്പെടുത്തുന്നതിന് നാടന്‍ പശുക്കള്‍ക്കായി മത്സരങ്ങള്‍ സംഘടിപ്പിക്കണമെന്നും മുഖ്യമന്ത്രി നിര്‍ദേശിച്ചു. 

സംസ്ഥാനത്തുടനീളം നിലവില്‍ 7693 ഗോ ആശ്രമങ്ങളാണുള്ളത്. ഇവിടെ 11.49 ലക്ഷം പശുക്കളെ സംരക്ഷിക്കുന്നുണ്ട്. ഗോസംരക്ഷണ കേന്ദ്രങ്ങളെ സ്വയംപര്യാപ്തമാക്കുന്നതിന് ശക്തമായ നടപടികള്‍ ആവിശ്കരിക്കണമെന്ന് മുഖ്യമന്ത്രി ആവശ്യപ്പെട്ടു.

ക്ഷീരമേഖലയെ ശക്തിപ്പെടുത്തുന്നതിന് നൂതന സാങ്കേതിക വിദ്യകള്‍ അവലംബിക്കേണ്ടതുണ്ട്. ഇതിനായി സര്‍ക്കാര്‍ ഓഫീസുകളുടെ ചുവരുകള്‍ പെയിന്റ് ചെയ്യുന്നതിന് ചാണകത്തില്‍ നിന്ന് ഉല്‍പാദിപ്പിക്കുന്ന പെയിന്റുകള്‍ ഉപയോഗിക്കണം. നാടന്‍ പശുക്കള്‍ക്കായി പ്രത്യേക മത്സരങ്ങള്‍ സംഘടിപ്പിക്കണം. യോഗി കൂട്ടിച്ചേര്‍ത്തു.  

അവലോകന യോഗത്തില്‍ സംസ്ഥാനത്തെ ക്ഷീരോല്‍പാദന റിപ്പോര്‍ട്ടും അവതരിപ്പിച്ചു. 2024-25 കാലയളവില്‍ പാല്‍ സംഭരണം പ്രതിദിനം 3.97 ലക്ഷം ലിറ്ററായി ഉയര്‍ന്നെന്നാണ് കണക്ക്. മുന്‍ വര്‍ഷത്തേക്കാള്‍ പത്ത് ശതമാനം വളര്‍ച്ചയാണ് രേഖപ്പെടുത്തിയത്. 

കയ്യേറ്റഭൂമിയായ 40,968.29 ഹെക്ടര്‍ മേച്ചില്‍പുറങ്ങള്‍ ഒഴിപ്പിക്കുകയും, 12,168.78 ഹെക്ടര്‍ ഭൂമി പച്ചപ്പുല്ല് ഉല്‍പാദനത്തിനായി ഒരുക്കുകയും ചെയ്തിട്ടുണ്ട്. ഇത് ഗ്രാമീണ മേഖലകൡലെ തൊഴിലവസരങ്ങള്‍ വര്‍ധിപ്പിക്കുമെന്നും റിപ്പോര്‍ട്ടില്‍ പരാമര്‍ശമുണ്ട്.

 Uttar Pradesh Chief Minister Yogi Adityanath has directed the use of paint made from cow dung in government offices. The instruction was given during a review meeting of the Dairy Development Department.