തിരുവനന്തപുരം: പേവിഷബാധക്കുള്ള പ്രതിരോധ കുത്തിവയ്പ്പ് എടുത്തിട്ടും പേവിഷബാധ സ്ഥിരീകരിച്ച് എസ്എടി ആശുപത്രിയില്‍ ചികിത്സയിലായിരുന്ന ഏഴു വയസ്സുകാരി കൊല്ലം കുന്നിക്കോട് ജാസ്മിന്‍ മന്‍സിലില്‍ നിയാ ഫൈസല്‍ മരിച്ചു.

കഴിഞ്ഞ ഒരു മാസത്തിനിടെ സംസ്ഥാനത്ത് പേവിഷബാധയേറ്റ് മരിച്ചത് മൂന്നു കുട്ടികളാണ്. 

കഴിഞ്ഞ മാസം എട്ടിനാണ് വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ നായ കടിച്ചത്. താറവിനെ ആക്രമിക്കാന്‍ വന്ന തൊരുവു നായയില്‍ നിന്നും താറാവിനെ രക്ഷിക്കാന്‍ ഓടിയപ്പോളായിരുന്നു നായ കുട്ടിയെ കടിച്ചത്. കൈമുട്ടില്‍ കടിയേറ്റ കുട്ടിക്ക് ഉടന്‍തന്നെ വീടിനു സമീപമുള്ള വിളക്കുടി പ്രഥമികാരോഗ്യകേന്ദ്രത്തില്‍ വച്ച് പ്രതിരോധകുത്തിവയ്പ്പ് എടുത്തിരുന്നു.

പിന്നീട് ഏപ്രില്‍ 11,15 തിയ്യതികളിലായി രണ്ടും മൂന്നും ഡോസുള്ള കുത്തിവയപ്പും എടുത്തിരുന്നു. അവസാന ഡോസ് കുത്തിവയ്പ്പ് മെയ് ആറിന് എടുക്കാന്‍ ഇരിക്കെയായിരുന്നു കുട്ടിക്ക് പനി ബാധിച്ചത്. തുടര്‍ന്ന് ആദ്യം പുനലൂര്‍ താലൂക്ക് ആശഉപത്രിയിലും പിന്നീട് എസ്എടിയിലും പ്രവേശിപ്പിക്കുകയായിരുന്നു.

കുട്ടിയെ കടിച്ച തെരുവുനായയെ തൊട്ടടുത്ത ദിവസം സമീപത്തെ വയലില്‍ ചത്ത നിലയില്‍ കണ്ടെത്തിയിരുന്നു.