ഇസ്‌ലാമാബാദ്: ഇന്ത്യയുടെ ശക്തമായ തിരിച്ചടിയായ 'ഓപ്പറേഷന്‍ സിന്ദൂര്‍' നടത്തിയതിനു പിന്നാലെ, പാകിസ്ഥാനിലെ ജനങ്ങള്‍ ഗൂഗിള്‍ തിരച്ചിലിലേക്ക് തിരിയുകയായിരുന്നു. ഏപ്രിൽ 22-ന് പഹൽഗാമിൽ നടന്ന തീവ്രവാദി ആക്രമണത്തിന്റെയും അതിനോട് ബന്ധപ്പെട്ട 26 പേരുടെ വധത്തിന്റെയും പശ്ചാത്തലത്തിലാണ് ഈ തിരിച്ചടി. 9 പാക് തീവ്രവാദി ക്യാമ്പുകൾ ലക്ഷ്യമിട്ട് ഇന്ത്യന്‍ സൈന്യം അപ്രതീക്ഷിതമായി നടത്തിയ ആക്രമണമാണ് ഓപ്പറേഷന്‍ സിന്ദൂര്‍ എന്ന പേരില്‍ നടന്നത്.

 പാകിസ്ഥാനിലെ പ്രധാന ഗൂഗിള്‍ തിരച്ചിലുകള്‍

ഇന്ത്യയുടെ ഈ ആക്രമണത്തിന് പിന്നാലെ പാകിസ്ഥാനികൾ ഗൂഗിളിൽ ഏറ്റവും കൂടുതൽ തിരഞ്ഞത്:

"What is Sindoor?" (സിന്ദൂര്‍ എന്താണ്?)

"Operation Sindoor meaning"

"Sindoor in English"

"Operation Sindoor wiki"

ഇത് ഇന്ത്യ ഈ സൈനികപ്രതികരണത്തിന് നല്‍കിയ പേരില്‍ നിന്നും പാകിസ്ഥാനില്‍ ഉണ്ടായ ആശ്ചര്യത്തെ വ്യക്തമാക്കുന്നു.

 'സിന്ദൂര്‍' എന്ന വാക്കിന്‍റെ പ്രതീകാത്മകത

'സിന്ദൂര്‍', വിവാഹിതരായ ഹിന്ദു സ്ത്രീകള്‍ ഭര്‍ത്താക്കന്മാരുടെ ആയുസിനായി നെറ്റിയില്‍ ചാര്‍ത്തുന്ന തിലകമാണ്. പഹല്‍ഗാമിലെ ഭീകരാക്രമണത്തില്‍ യുവതികളെ ഭര്‍ത്താക്കളിന്റെ മുന്നില്‍ വച്ച് മതം ചോദിച്ച ശേഷമാണ് കൊലപ്പെടുത്തിയതെന്നാണ് റിപ്പോര്‍ട്ടുകള്‍. അതിന് മറുപടിയായി ഇന്ത്യയുടെ സൈനിക നടപടി ഈ പേര് നല്‍കിയത് ഒരന്തസ്സായ സന്ദേശമാണ്.

പ്രധാനമന്ത്രി നരേന്ദ്രമോദിയാണ് 'ഓപ്പറേഷന്‍ സിന്ദൂര്‍' എന്ന പേര് നല്‍കിയതെന്നാണ് പുറത്തു വന്ന വിവരം.

തിരച്ചിലുകളിൽ പതിച്ച യുദ്ധഭീതിയും കീഴടങ്ങലിന്റെ സൂചനകളും
പാകിസ്ഥാനിലെ വിവിധ പ്രവിശ്യകളായ ഇസ്‌ലാമാബാദ്, പഞ്ചാബ്, സിന്ധ് എന്നിവിടങ്ങളിൽ നിന്നുണ്ടായ മറ്റ് ഗൂഗിള്‍ തിരച്ചിലുകൾ ഇങ്ങനെയാണ്:

"India missile attack"

"India missile launch on Pakistan"

"India declared war"

"India-Pakistan war today"

"War updates live"

ഇവയിൽ നിന്ന് ഇന്ത്യ യുദ്ധം പ്രഖ്യാപിച്ചെന്ന ആശങ്കയും അതിന്റെ തീവ്രതയും വ്യക്തമാവുന്നു.

അതേസമയം, "white flag meaning" എന്നതും നിരവധി പാക് യൂസർമാർ തിരച്ചത് ശ്രദ്ധേയമാണ്. അത്യന്തം ഭീകരമായ യുദ്ധ സാഹചര്യത്തിൽ, ശത്രുവിനു മുന്നിൽ കീഴടങ്ങുന്നതിനുള്ള സൈനിക രീതി കൂടിയാണ് വെളുത്ത കൊടി ഉയർത്തുന്നത്. അതിര്‍ത്തിയോട് ചേർന്ന പ്രദേശങ്ങളില്‍ നിന്നാണ് ഈ തിരച്ചിലുകള്‍ കൂടുതലായി വന്നത്.

ഇന്ത്യയുടെ സൈനിക പ്രതികരണത്തിന് പുറമെ, അതിന്റെ പേരിൽ വന്ന പ്രതീകാത്മകതയും, പാകിസ്ഥാനിൽ ജനങ്ങള്‍ക്കിടയിൽ അതുണ്ടാക്കിയ മാനസിക സ്വാധീനവുമാണ് ഈ ഗൂഗിള്‍ ട്രെൻഡുകൾ വ്യക്തമാക്കുന്നത്.