ജയ്പൂർ: ഇന്ത്യ-പാക്‌ സംഘർഷം രൂക്ഷമാകുന്ന പശ്ചാതലത്തിൽ രാജസ്ഥാൻ അതിർത്തിയിൽ സംശയാസ്പദമായ നിലയിൽ ഡ്രോണുകൾ കണ്ടെത്തിയതായി റിപ്പോർട്ട്. ഇന്ന് ഉച്ചയ്ക്ക് രാജസ്ഥാനിലെ ജയ്സാൽമീർ, ഫലോദി, പൊഖ്റാൻ പ്രദേശങ്ങളിൽ ഡ്രോണുകൾ കാണപ്പെട്ടതായി ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു. ബർബർ, ശ്രീ ഗംഗാനഗർ, ജോധ്പൂർ എന്നീ മേഖലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. ജില്ലാ ഭരണകൂടം കടകമ്പോളങ്ങൾ അടയ്ക്കാൻ നിർദ്ദേശം നൽകി. 

പൊഖ്റാനിലും പരിസര പ്രദേശങ്ങളിലും സ്ഫോടന ശബ്ദങ്ങൾ കേട്ടതായി റിപ്പോർട്ടുണ്ട്. ഒന്നിലധികം സ്ഫോടനങ്ങൾ സംഭവിച്ചതായി ഔദ്യോഗിക വൃത്തങ്ങൾ സ്ഥിരീകരിച്ചു. അതിർത്തി പ്രദേശങ്ങളിൽ ഇപ്പോൾ സംഘർഷ സാഹചര്യമാണുള്ളതെന്നും റിപ്പോർട്ടിൽ വ്യക്തമാക്കുന്നു. 

ഈ സാഹചര്യത്തിൽ പ്രദേശത്ത് കർശനമായ സുരക്ഷ ഏർപ്പെടുത്തിയിട്ടുണ്ട്. ജനങ്ങളോട് സുരക്ഷിതമായ സ്ഥലങ്ങളിൽ താമസിക്കാൻ അധികൃതർ ഉത്തരവിട്ടിട്ടുണ്ട്. പാകിസ്ഥാൻ അതിർത്തിയിൽ പ്രകോപനങ്ങൾ തുടരുന്ന സാഹചര്യത്തിൽ രാജസ്ഥാനിൽ ജാഗ്രത ശക്തിപ്പെടുത്തിയിട്ടുണ്ട്.

Suspicious drones were reportedly spotted near the Rajasthan border in Jaisalmer, Falodi, and Pokhran amid escalating India-Pakistan tensions. Authorities have issued a red alert in Barmer, Sri Ganganagar, and Jodhpur, with district administrations ordering markets to shut down as a precautionary measure. Stay updated on the latest developments.