റിയാദ്: ജീവനക്കാരെ തിരഞ്ഞെടുക്കുന്നതിനുള്ള ഇൻ്റർവ്യൂകൾക്കിടെ വ്യക്തിസ്വാതന്ത്ര്യവുമായി ബന്ധപ്പെട്ട ചോദ്യങ്ങൾ നിരോധിക്കുന്ന പുതിയ നിയന്ത്രണങ്ങൾ സൗദി അറേബ്യ അവതരിപ്പിച്ചു. അപേക്ഷകരുടെ മുൻകാല ജോലിസ്ഥലത്തെ രഹസ്യങ്ങളെയും വ്യക്തി സ്വതന്ത്രവുമായി ബന്ധപ്പെട്ട കാര്യങ്ങളും അന്വേഷിക്കുന്നതിൽ നിന്നു ഉൾപ്പെടെ അഭിമുഖം നടത്തുന്നവരെ വിലക്കിയതായി സൗദി ഔഖാസ് പത്രം റിപ്പോർട്ടു ചെയ്തു. ജോലി പ്രഖ്യാപനങ്ങളും അഭിമുഖങ്ങളും ലിംഗഭേദം, വൈകല്യം, പ്രായം, വൈവാഹിക നില എന്നിവയുൾപ്പെടെ ഏതെങ്കിലും തരത്തിലുള്ള വിവേചനത്തിൽ നിന്ന് മുക്തമാണെന്ന് ഉറപ്പാക്കുന്നതാണ് ഈ നിയന്ത്രണങ്ങൾ എന്ന് അധികൃതർ അറിയിച്ചു.  

പ്രധാന നിർദേശങ്ങൾ:

1- തൊഴിലുടമകൾ അഭിമുഖത്തിൻ്റെ വിശദാംശങ്ങൾ - നേരിട്ടോ അല്ലാതെയോ - കുറഞ്ഞത് മൂന്ന് പ്രവൃത്തി ദിവസങ്ങൾക്ക് മുമ്പെങ്കിലും അപേക്ഷകരെ അറിയിക്കണം. 

2- അഭിമുഖ സ്ഥലം അപേക്ഷകരുടെ എണ്ണത്തിന് അനുയോജ്യമായിരിക്കണം.

3- സ്ഥലത്ത് ദൃശ്യമായ പ്രവേശന കവാടങ്ങളും എക്സിറ്റ് സൗകര്യവും സീറ്റുകളും ആരോഗ്യ-സുരക്ഷാ ചട്ടങ്ങൾ പാലിക്കലും ഉണ്ടായിരിക്കണം.

4- ഇലക്ട്രോണിക് സംവിധാനങ്ങളോ സുരക്ഷാ ഗാർഡുകളും വേണം.

5- നിർദ്ദിഷ്ട വിശ്രമമുറികൾ ഉൾപ്പെടെയുള്ള സുരക്ഷാ നടപടികളും നിലവിലുണ്ടായിരിക്കണം.

6- ഒഴിവ് പ്രഖ്യാപനങ്ങൾ സൗദി ഏകീകൃത തൊഴിൽ വർഗ്ഗീകരണവുമായി ഒത്തുപോകുന്നത് ആകണം.

7- ഇക്കാര്യം ഔദ്യോഗിക ഡിജിറ്റൽ പ്ലാറ്റ്‌ഫോമുകളിലോ ലൈസൻസുള്ള തൊഴിൽ മേളകളിലോ പോസ്റ്റ് ചെയ്യണം.

 8- അറിയിപ്പുകളിൽ കമ്പനിയുടെ പേര്, പ്രവർത്തനം, ഓഫീസ് സ്ഥലം, ജോലി വിവരണം, ആവശ്യമായ യോഗ്യതകൾ, ജോലി സമയം, ആനുകൂല്യങ്ങൾ, അപേക്ഷാ നടപടിക്രമങ്ങൾ എന്നിവ ഉൾപ്പെടുത്തണം.

Saudi Arabia New labour regulations: bans personal freedom questions in job interviews