മാഡ്രിഡ്: സ്പെയിനിലെ സെവില്ലെ നഗരത്തിനു സമീപമുള്ള അൽകാല ഡി ഗ്വാഡൈറയിലെ ഒരു കെമിക്കൽ പ്ലാന്റിൽ ബുധനാഴ്ച ഉച്ചയ്ക്ക് ശേഷം ഉണ്ടായ ശക്തമായ സ്ഫോടനത്തെ തുടർന്ന് മേഖലയിൽ വിഷ വാതക ഭീഷണി സൃഷ്ടിച്ചു . സമീപവാസികളോട് വീടിനുള്ളിൽ തന്നെ തുടരാനും ജനാലകൾ അടയ്ക്കാനും അധികൃതർ നിർദേശം നൽകി. അടിയന്തര സേവനങ്ങൾ സ്ഥിരീകരിച്ചതനുസരിച്ച്, സംഭവത്തിൽ ആർക്കും പരിക്കേറ്റിട്ടില്ല. 

 

 

സെവില്ലെ നഗരകേന്ദ്രത്തിൽ നിന്ന് ഏകദേശം 16 കിലോമീറ്റർ (10 മൈൽ) കിഴക്കായി വ്യവസായ മേഖലയിൽ സ്ഥിതി ചെയ്യുന്ന ഈ പ്ലാന്റിൽ നിന്ന് ജീവനക്കാരെ അടിയന്തരമായി ഒഴിപ്പിച്ചു. പ്ലാന്റിലെ രാസവസ്തുക്കൾ എന്താണെന്നോ അത് ആരുടേതാണെന്നോ അധികൃതർ വ്യക്തമാക്കിയിട്ടില്ല.

സ്പെയിനിന്റെ വ്യാവസായിക, വൈദ്യുതി, ഗതാഗതം തുടങ്ങിയ അടിസ്ഥാന സൗകര്യങ്ങൾക്ക് അടുത്തിടെ നിരവധി പ്രശ്നങ്ങൾ നേരിടുകയുണ്ടായി. വടക്കുകിഴക്കൻ സ്പെയിനിലെ ഒരു കെമിക്കൽ ഫാക്ടറിയിലുണ്ടായ തീപിടുത്തത്തെത്തുടർന്ന് അടിയന്തര സേവനങ്ങൾക്ക് 150,000 താമസക്കാർക്ക് ആരോഗ്യ മുന്നറിയിപ്പുകൾ നൽകാനും സമീപത്തുള്ള അഞ്ച് പട്ടണങ്ങളിൽ വീടിനുള്ളിൽ തന്നെ തുടരാനും ഉത്തരവുകൾ നൽകേണ്ടി വന്നു.

ഏപ്രിൽ 28 ന് സ്പെയിനിലും പോർച്ചുഗലിലും വൻ വൈദ്യുതി തടസ്സം ഉണ്ടായി. അധികൃതർ ഇപ്പോഴും അന്വേഷണം നടത്തുന്നുണ്ടെങ്കിലും സൈബർ ആക്രമണമോ അട്ടിമറിയോ സാധ്യത തള്ളിക്കളഞ്ഞിട്ടുണ്ട്. തുടർന്ന് മാഡ്രിഡിനും സെവില്ലിനും ഇടയിൽ ഒരു ട്രെയിൽ ലൈനിൽ നിന്ന് ചെമ്പ് കേബിളിംഗ് മോഷ്ടാക്കൾ എടുത്തതിനാൽ വലിയ ട്രെയിൻ തടസ്സം ഉണ്ടായിട്ടുണ്ട്.