മണ്ണാര്‍ക്കാട്; ബീവറേജ് ഔട്‌ലെറ്റിന് മുന്നിലുണ്ടായ തര്‍ക്കത്തില്‍ മധ്യവയസ്‌കന്‍ കുത്തേറ്റ് മരിച്ചു. ഇര്‍ഷാദ് എന്നയാളാണ് മരിച്ചത്. പള്ളിക്കുന്ന് സ്വദേശിയാണ്. മൃതദേഹം മണ്ണാര്‍ക്കാട് താലൂക്ക് ആശുപത്രിയിലേക്ക് മാറ്റി. 

ബിയര്‍ കുപ്പി കൊണ്ടാണ് ഇര്‍ഷാദിന് കുത്തേറ്റത്.  ക്യൂ നിന്നിരുന്ന ഇര്‍ഷാദിനെ പുറത്തു നിന്ന് വന്ന രണ്ടുപേര്‍ കുത്തുകയായിരുന്നുവെന്നാണ് കണ്ടുനിന്നവര്‍ പറയുന്നത്. കുത്തിയവര്‍ ഓടിരക്ഷപ്പെട്ടു. ഇവർക്കായുള്ള അന്വേഷണം പൊലീസ് ഊർജ്ജിതമാക്കി.