അഹമ്മദാബാദ്: ഐ.പി.എല്ലില്‍ പ്ലേ ഓഫ് പ്രതീക്ഷ നിലനിര്‍ത്തുന്ന ഗുജറാത്തിന് തിരിച്ചടി. ടൂര്‍ണമെന്റിലെ ശേഷിക്കുന്ന മത്സരങ്ങളില്‍ ടൈറ്റന്‍സിന്റെ വെടിക്കെട്ട് ബാറ്റര്‍ ജോസ് ബട്‌ലര്‍ കളിക്കില്ല. 

മെയ് 29 മുതല്‍ വെസ്റ്റ് ഇന്‍ഡീസിനെതിരായ വൈറ്റ്‌ബോള്‍ പരമ്പരയ്ക്കുള്ള ഇംഗ്ലണ്ട് സ്‌ക്വാഡില്‍ അംഗമായതുകൊണ്ടാണ് ബട്‌ലറിന് ഐ.പി.എല്ലിന്റെ ബാക്കിയുള്ള മത്സരങ്ങള്‍ നഷ്ടമാവുന്നത്. ശുഭ്മാന്‍ ഗില്‍ നയിക്കുന്ന ടീമില്‍ ബട്‌ലറിന് പകരം ഇനി ശ്രീലങ്കന്‍ താരം കുശാല്‍ മെന്‍ഡിസായിരിക്കും ടീമിലിറങ്ങുക. 

പോയിന്റ് ടേബിളില്‍ നിലവില്‍ ഒന്നാം സ്ഥാനത്താണ് ടൈറ്റന്‍സ്. പ്ലേ ഓഫ് ഇതിനോടകം ഉറപ്പിച്ച ശുഭ്മാന്‍ ഗില്ലിനും സംഘത്തിനും അടുത്ത ഘട്ടങ്ങളിലെ എല്ലാ മത്സരങ്ങളും അതിനിര്‍ണായകമാണ്. ബട്‌ലറെ പോലുള്ള നിര്‍ണായക താരത്തിന്റെ അസാന്നിധ്യം ശേഷിക്കുന്ന മത്സരങ്ങളില്‍ ഗുജറാത്തിനെ ബാധിക്കുമെന്ന് ഉറപ്പാണ്.സീസണില്‍ ഗുജറാത്തിനായി വെടിക്കെട്ട് പ്രകടനം പുറത്തെടുത്തിട്ടുള്ള താരമാണ് ബട്‌ലര്‍.  18ന് ഡല്‍ഹി ക്യാപിറ്റല്‍സിനെതിരെയാണ് ഗുജറാത്തിന്റെ അടുത്ത മത്സരം.

English cricketer Jos Buttler's potential return to the team has been ruled out, dealing a significant blow to the team. Following this development, a replacement player has been announced, marking a crucial change in the team's lineup [1].