ടി-20 ക്രിക്കറ്റിലെ തന്റെ ഏറ്റവും മികച്ച ഇലവനെ തെരഞ്ഞെടുത്തിരിക്കുകയാണ്‌ പാകിസ്താൻ താരം ബാബർ അസം. ഇന്ത്യ, പാകിസ്ഥാൻ, അഫ്ഗാനിസ്ഥാൻ, ഇംഗ്ലണ്ട്, ഓസ്‌ട്രേലിയ എന്നീ ടീമുകളിൽ നിന്നുമാണ് ബാബർ താരങ്ങളെ തെരഞ്ഞെടുത്തത്. ഇന്ത്യയിൽ നിന്നും രോഹിത് ശർമ്മ, സൂര്യകുമാർ യാദവ് എന്നിവർ ബാബറിന്റെ ടി-20 ടീമിൽ ഇടം നേടി.

പാകിസ്താനിൽ നിന്നും മുഹമ്മദ് റിസ്‌വാൻ, ഫാഖർ സമാൻ എന്നിവരും ടീമിൽ ഇടംപിടിച്ചു. ഓസ്‌ട്രേലിയൻ താരങ്ങളായ മിച്ചൽ സ്റ്റാർക്ക്, പാറ്റ് കമ്മിൻസ് എന്നിവരും സൗത്ത് ആഫ്രിക്കൻ താരങ്ങളായ ഡേവിഡ് മില്ലർ, മാർകോ ജാൻസൺ എന്നിവരും ടീമിൽ ഇടം പിടിച്ചു.

അഫ്ഗാൻ സ്റ്റാർ സ്പിന്നർ റാഷിദ് ഖാനും ഇംഗ്ലണ്ട് സൂപ്പർതാരം ജോസ് ബട്ലറും മാർക്ക് വുഡും ബാബറിന്റെ ടീമിൽ ഇടംപിടിച്ചു. എന്നാൽ ബാബറിന്റെ പ്ലെയിങ് ഇലവനിൽ ഇന്ത്യൻ താരങ്ങളായ വിരാട് കോഹ്‌ലി, ജസ്പ്രീത് ബുംറ എന്നിവർക്ക് ഇടം നേടാൻ കഴിയാതെ പോയി.

ബാബർ അസമിൻ്റെ ടി-20 ഇലവൻ 

രോഹിത് ശർമ, മുഹമ്മദ് റിസ്വാൻ, ഫഖർ സമാൻ, സൂര്യകുമാർ യാദവ്, ജോസ് ബട്ട്‌ലർ, ഡേവിഡ് മില്ലർ, മാർക്കോ ജാൻസെൻ, റാഷിദ് ഖാൻ, പാറ്റ് കമ്മിൻസ്, മിച്ചൽ സ്റ്റാർക്ക്, മാർക്ക് വുഡ്.

Pakistan star Babar Azam has picked his best XI in T20 cricket