ന്യൂഡൽഹി : പഹൽഗാം ഭീകരാക്രമണത്തെത്തുടർന്ന് നിലനിൽക്കുന്ന പ്രത്യേക സാഹചര്യത്തിൽ ഈ അടുത്തായി പാകിസ്ഥാന് രാജ്യ രഹസ്യങ്ങൾ ചോർത്തി കൊടുത്തതിനു അറസ്റ്റിൽ ആയവരുടെ എണ്ണം കൂടിവരികയാണ്. എറ്റവും ഒടുവിൽ ഹരിയാനയിലെ കൈതൽ ജില്ലയിൽ നിന്ന് ആണ് ദേശീയ സുരക്ഷയുമായി ബന്ധപ്പെട്ട ഗുരുതരമായ ഒരു കേസ് കൂടി പുറത്തുവന്നത്. പാകിസ്ഥാൻ രഹസ്യാന്വേഷണ ഏജൻസിയായ ഐ‌എസ്‌ഐക്ക് വേണ്ടി ചാരപ്പണി നടത്തിയെന്നാരോപിച്ച് സ്‌പെഷ്യൽ ഡിറ്റക്റ്റീവ് യൂണിറ്റ് (എസ്‌ഡി‌യു) സംഘം മസ്ത്ഗഡ് ഗ്രാമത്തിലെ 25 കാരനായ ദേവേന്ദ്ര സിങ്ങിനെ ആണ് അറസ്റ്റ് ചെയ്തത്. ഇന്ത്യയുടെ സൈനിക ഓപ്പറേഷൻ സിന്ദൂർ ഉൾപ്പെടെയുള്ള സൈന്യവുമായി ബന്ധപ്പെട്ട നിരവധി രഹസ്യ വിവരങ്ങൾ പ്രതി പാക് ചാര സംഘടനയ്ക്ക് കൈമാറിയതായി പോലീസ് പറഞ്ഞു. സോഷ്യൽ മീഡിയ പ്ലാറ്റ്‌ഫോമായ ഫേസ്ബുക്കിലെ നിയമവിരുദ്ധ ആയുധങ്ങളുമായി ബന്ധപ്പെട്ട ഒരു പോസ്റ്റിന്റെ അടിസ്ഥാനത്തിലാണ് ദേവേന്ദ്ര സിങ്ങിനെ മെയ് 13 ന് ആദ്യം കസ്റ്റഡിയിലെടുത്തത്. ചോദ്യം ചെയ്യലിൽ പോലീസിന് ഞെട്ടിക്കുന്ന വെളിപ്പെടുത്തലുകൾ ആണ് ലഭിച്ചത്. തുടർന്ന് പോലീസ് കേസ് ദേശീയ സുരക്ഷാ ഏജൻസികൾക്ക് കൈമാറി. മതപരമായ ദർശനത്തിന്റെ പേരിൽ പ്രതി കർതാർപൂർ ഇടനാഴി വഴി പാകിസ്ഥാനിലേക്ക് പോയതായി പോലീസ് അന്വേഷണത്തിൽ കണ്ടെത്തി. അവിടെ അദ്ദേഹം കർതാർപൂർ സാഹിബ്, നങ്കാന സാഹിബ്, ലാഹോർ, പഞ്ച സാഹിബ് തുടങ്ങിയ സിഖ് പുണ്യസ്ഥലങ്ങൾ സന്ദർശിച്ചു. ഈ സമയത്ത് അദ്ദേഹം പാകിസ്ഥാൻ രഹസ്യാന്വേഷണ ഏജൻസിയായ ഐ‌എസ്‌ഐയുമായി ബന്ധപ്പെട്ടു. പാക് ചാര സംഘടനയുടെ ഏജൻ്റ് ആയ യുവതിയുടെ കെണിയിൽപ്പെട്ടാണ് ദേവേന്ദർ രഹസ്യങ്ങൾ കൈമാറിയത്. യുവതിയോടൊപ്പം ഇയാൽ പാകിസ്ഥാനിൽ ഒരു ആഴ്ച താമസിച്ചതായും കണ്ടെത്തിയിട്ടുണ്ട്. ചോർന്ന രഹസ്യങ്ങൾ അറിയുന്നതായി ഇയാളെ ഏജൻസികൾ ചോദ്യം ചെയ്തുവരികയാണ്.

Haryana man arrested for passing information to Pakistan army, ISI about Operation Sindoor, Indo-Pak conflict