ന്യൂഡൽഹി: ഇന്ത്യയുടെ പ്രതിരോധ ശേഷി ശക്തിപ്പെടുത്തുന്നതിനായി സായുധ സേനയ്ക്കായി കേന്ദ്ര സർക്കാർ 50,000 കോടി രൂപയുടെ അധിക ഫണ്ടുകൾ അനുവദിക്കാൻ ഒരുങ്ങുന്നു. നിലവിലെ 6.81 ലക്ഷം കോടി രൂപയുള്ള പ്രതിരോധ ബജറ്റ് ഇതോടെ 7 ലക്ഷം കോടി കടക്കാനാണ് സാധ്യത. പാർലമെന്റിന്റെ അടുത്ത ശൈത്യകാല സമ്മേളനത്തിൽ ഇത് ഔദ്യോഗികമായി പ്രഖ്യാപിക്കപ്പെടും.

ഓപ്പറേഷൻ സിന്ദൂരിന് പിന്നാലെ നടപടികൾ:

ഏപ്രിൽ 22ന് പഹൽഗാമിൽ നടന്ന ഭീകരാക്രമണത്തിന്റെയും അതിന് പിന്നാലെ ഇന്ത്യ നടത്തിയ "ഓപ്പറേഷൻ സിന്ദൂർ" എന്ന പേരിലുള്ള ലിമിറ്റഡ് മിലിറ്ററി റസ്‌പോൺസിന്റെയും പശ്ചാത്തലത്തിൽ ആണ് പ്രതിരോധ ബജറ്റ് വർധിപ്പിക്കാനുള്ള നീക്കം. പാകിസ്ഥാനിലെയും പാക് അധീന കശ്മീരിലെയും ഭീകര ക്യാമ്പുകളെ ലക്ഷ്യമിട്ടാണ് സൈനിക നടപടി ഉണ്ടായത്.

പുതിയ ആയുധങ്ങളും ആഭ്യന്തര ഉത്പാദനവും:

അധിക തുക പ്രധാനമായും പുതിയ ആയുധങ്ങളുടെയും സാങ്കേതിക ഉപകരണങ്ങളുടെയും വാങ്ങലിനായും സൈനിക ഗവേഷണ, വികസന പ്രവർത്തനങ്ങൾക്കുമായിരിക്കും വിനിയോഗിക്കുക. കേന്ദ്ര പ്രതിരോധ മന്ത്രി രാജ്‌നാഥ് സിംഗ് വ്യക്തമാക്കിയതുപോലെ, ഇന്ത്യയുടെ സുരക്ഷാ ഭാവി ഉറപ്പാക്കാൻ ആഭ്യന്തരമായി ആയുധങ്ങൾ ഉൽപ്പാദിപ്പിക്കുന്നത് വളരെ പ്രധാനമാണെന്ന് സർക്കാർ നിലപാട് വ്യക്തമാക്കുന്നു.

"വിദേശ രാജ്യങ്ങളിൽ നിന്ന് പ്രതിരോധ ഉപകരണങ്ങൾ വാങ്ങുന്നത് സുരക്ഷയ്ക്കുള്ള ഔട്ട്‌സോഴ്‌സിംഗാണ്. അത് ദീർഘകാല പരിഹാരമല്ല," എന്നാണ് പ്രതിരോധ മന്ത്രിയുടെ വിശദീകരണം.

Following Operation Sindoor and heightened tensions with Pakistan, the Indian government is likely to allocate an additional ₹50,000 crore to the defense budget. This will push the total defense outlay beyond ₹7 lakh crore for the year. The funds will be used primarily for procuring advanced weapons and strengthening domestic defense research. The announcement is expected in the upcoming winter session of Parliament. Defense Minister Rajnath Singh emphasized the importance of indigenous production over reliance on foreign imports.